Youth Coordinator in September 28-29, 2024 leh October 2, 2024 in EBCC Mumbai leh Chennai Vehna nei hi.
Rev. V. Thangkhanmuan, Youth Coordinator in September 28, 2024 in EBCC Mumbai vehna nei in tua hun ah BYF leh ZCF Tuailai te kigawm in A Day of Reflection chih min vuah in "Christian Leadership" sinsakna nei hi. Huaibanah, "Christian Sexual Ethics" chih thupi pansan in Mrs. Chingngaihlian Tunglut, Counsellor YMCA in sinsak a, "Biblical Principal to Choosing a Life Partner" chih thupi pansan in Pastor Lalduhsaka, Local Pastor EBCC Mumbai in sinsak hi.
Hiai hun in EBCC Mumbai a tuailai leh ZCF Mumbai apan tuailai mi 50 val paikhawm in hun manphatak zang uhi. September 29, 2024 in saptuam mipite toh biakkhawmna nei ua, BYF Lapawl om in Youth Coordinator in thugenna hun zang hi.
October 2, 2024 in EBCC Chennai ah nitak dak 7:30 in saptuam mipi te toh biakkhawmna nei ua, Tualsung BYF Committee lapawl leh solo manphatak ngaihkhiakna om in, Rev. V. Thangkhanmuan, Youth coordinator in thugenna hun zang hi.
Youth Coordinator in Chennai a a tamsung in St. Thomas Mount, Little Mount chihte etna leng va nei hi.
