Singngat Division Workers' Meet 2024 June 28, 2024 in EBCC Singngat ah neih in om hi. Rev. Nenglian Vualnam, Director of Development thugentu a pang in thugenna hun 3 zang hi.
Thugenna hun masa ah Romte 6:1-13 pansan in Khristian Hinkhua Bulsutna nei in, Khrist hon zohsaksate theih ding huaite a kisimtel ding, thounawn hunkhua a kipiak ding chih te sutpih hi.
Hun nihna ah semtute adia poimoh nasepna (ministerial) philosophy sinkhawmna nei ua saptuam paidan tangpi, ministerial ethics leh a tuamtuam kikupkhawmna nei uhi.
Hun thumna ah Gahsuang ding a kihanthawnna, bang gahsuang ding, bangchi bang a huai gah kipahhuai suangthei ding chihte Johan 15:16 pansan in thugenna hun zang hi.
Hiai workers' meet ah semtu Evangelist Teacher 97, Pastor 7 leh Division office a semtu 5 kihel in Pathian toh kinaihsem a tonkhawm ding leh kikem siangthou ding in thupukna bawl tamtak om uhi.
Program zoh in paikhawmten annkuang umkhawmna nei in program manphatak in zou uhi.
