Lamka West Division honna leh puankhiakna February 1, 2025 zing 7:30 in Division office kongtual ah neih in om hi.
Hiai hun ah Division sung a Pastor te, Division Executive Committee (DEC) member te, Division khawmpi Uliante, Division level committee member te leh local chih a TBUC office bearer te kihel uhi.
Hunzatna Upa Herbert T. Sumpu, Chairman DEC in makaih in vaidawnna thu gen a, Rev. Thawndoulian, Director of Missions in hun honna thumna nei in mipi paikhawmten phatkhawmna la sa in Rev M Zalian Guite, Director Ministries in Division honna leh puankhiakna nei hi. Hunzat sung in Rev Pumsuanmung Naulak, Divisional Superintendent, Lamka West Division in Khawmpi Ulian dingte banah Division Executive Committee, Division Baptist Missions Committee, Division Baptist Dorcas Committee, Division Baptist Youth Fellowship leh Division Baptist Children Department a makaite nnagotna nei in, Rev K Kamchinkhup, General Secretary in Pathian thutak gen hi.
Huntawp ah Upa L Pumkhanpau, Vice Chairman DEC, Lamka West Division in kipahthu gen in, hunkhak a, paikhawm teng in itna annkuang umkhawm hi.
EBC Lamka West Division ahihleh Lamka South Division leh Lamka North Division a kipan kho bangzah hiam laktuah a om hi a, Lamka West Division sung a saptuam omte ahihleh- EBCC Bethany, EBCC Bethlehem, EBCC Bungmual, EBCC D. Phailian, EBCC Dorcas Veng, EBCC Hebron, EBCC Mission Compound, EBCC Moria, Pearsonmun, EBCC New Lane, EBCC Pearsonmun, EBCC Takvom, EBCC Tonglon (P), EBCC Tonglon (T), leh EBCC Zoan hi ua, Division sung ah tulel in milip 14,117 om hi. Lamka West Division in office mun ding in nidang a Lamka South Division Office pen zang uhi.
