Lamka South Division(LSD) Kumsim Khawmpi 18 veina October 4-6, 2024 sung EBCC Kanaan, New Lamka ah “Kipumkhatna” Ephesate 4:3 thupi a zang in neih in om hi. Thugentu in Rev Gin Malsawm, Principal GBC leh Rev M Zalian Guite, Divisional Superintendent, LSD te pang uhi. Khawmpi sung in khua/veng tuamtuam akipan Tuailai ten Pathian phatna lapawl sa uhi.
October 4 nitaklam dak 5:30 in Upa S. Thangkhai, Vice Chairman Division Executive Committee (DEC) in khawmpi hong a, Pastor G. Khankham, EBCC Thingkangphai makaih in mipi thumkhawmna om in Rev Gin Malsawm, Principal GBC in Pathian thutak gen hi.
October 5, 2024 zinglam dak 10:30 a kipan Business Chairman Upa J. Kaikhanmang, Business Vice Chairman Upa V. Thianchinthang, Recording Secretary Upa K. Khamzamuan leh Business Asst. Recording Secretary Upa T. Songzamang makaih in Khawmpi palaiten vaihawmna nei ua, palai mi 9 si te sunna leng nei uhi. Kum 2025-26 sung a budget ding in Rs. 1,29,15,000 pom uhi. Budget lak ah GAD in Rs. 1,24,00,000; DBMC (Missions) Rs. 2,25,000; DBDC (Dorcas) Rs. 1,50,000; DBYF (Youth) 1,40,000, DBCD (Children) ading guanglou uhi. Kumnawn 2025 Khawmpi 19 veina Ulian ding in Business Chairman Upa G. Jamdouthang (EBCC Elim Veng), Business Vice Chairman Upa G. Khupchinthang (EBCC Elim Veng), Business Recording Secretary Upa T. Songzamang (EBCC Hebron) leh Business Assistant Recording Secretary Upa T. Khupzabiak (EBCC Pethuel) te telching uhi.
October 6, 2024 zinglam dak 10:30 in mipi Biakna kikhop neih in om a, Rev. Gin Malsawm, Principal GBC in Pathian thutak gen hi. Khawmpi 19 na 2025 Ulian ding a telching te nagotna Rev. M. Zalian Guite, Divisional Superintendent, LSD in nei hi.
Nitak dak 5:30 in Mipi Biakna kikhop leh Khawmpi khakna hun ah Rev M. Zalian Guite, Divisional Superintendent, LSD in Pathian thutak gen in Upa K. Khamzamuan, Business Recording Secretary in khawmpi report simkhia in Upa Herbert T. Sumpu, Chairman, DEC in khawmpi khak hi.
