Lamka South Division in March 29, 2025 (Kiginni) in EBCC Tangnuam ah Departmental Joint Fellowship leh kisinsakna nei uhi.
Program zatna hun 3 in kikhen a, hunkhatna ah Division Kumsim Khawmpi 1 veina Ulian ding telna, Department chih akipan pulakna leh thugen tom genna neih in om hi. Khawmpi Ulian dingte- Business Chairman: Upa Dongkhansiam, EBCC Mata, Business Vice Chairman: Upa S. Ginthiankham, EBCC Tangnuam, Business Recording Secretary: Upa Tualkhenlian Ngaihte, EBCC Kanaan leh Assistant Recording Secretary: Upa T. Kamchinlian, EBCC G Mualkawi te telching uhi. Amaute nnagotna Rev. T. Thangzasiam, Divisional Superintendent, LSD in nei hi.
Hun nihna, singpi dawnkhawmna leh Department chih, Director, DS, Pastor te leh Division office staff ten lemlakna nei uhi.
Hun thumna, Saptuam paidan toh kisai kisinsakna hun zat in om a Rev. M. Zalian Guite, Director of Ministries in sinsak hi.
Hiai fellowship hun ah Division Baptist Children Department Committee, Division Baptist Youth Fellowship Committee, Division Baptist Dorka Committee, Division Baptist Missions Committee, Division Executive Committee, Local chih TBUC Office Bearerte, Division sung a Pastor teng leh Evangelist Teacher om teng kihel uhi.
