EBCC Thuangtam, Singngat Division Biakinn thak honna December 21, 2024 in Rev. Dr. S. Vung Minthang, General Secretary in nei hi.
Program zinglam dak 11:00 in Biakinn kong ah Officiating Minister makaih in kipan hi. Tuazoh in Biakinn sung ah hunpi zat in om a Hunkemtu in Rev. M. Zalian Guite pang hi. Vaidawn thugen Upa V. Dongsuankham, Chairman TBUC in nei a, BYF Mualnuam te akipan Pathian phatna lapawl leh Miss Chinglianchiin akipan phatna la ngaihkhiak in om hi. Report tomkim Secretary TBUC in nei in Rev Thawndoulian, Director of Ministries in Biakinn tutnate latna nei hi. Rev. S. Vung Minthang, General Secretary in thugenna, kipahthugenna Upa G. Thangkhansuan, Vice chairman TBUC leh huntawp ah Pastor P. Hau Shoute, Bialtu Pastor in vualzawlna leh annkuang latna nei in program zou uhi.
Program zat hunsung in Thuangtam hausa Pu G. Chinkhanlian in saptuam' gam lai saptuamte kiang ah piakkhiakna leng nei hi.
Biakinn thak bawl pat na ding in Bialtu Pastor P. Hau Shoute in November 4, 2024 in Ground breaking nei a, biakinn bawlna toh kisai in saptuam mipi'n social work 7 vei nei uhi.
