EBCC Peniel, Kanaan Veng, New Lamka in February 19, 2024 a kipan Pastor Quarter lam/bawl a pat uh zohsiang ahihtoh kiton in tuni July 10, 2024 zingkal dak 7:00 in Pathian min thupina ding in Rev. Thawndoulian, Director of Ministries, EBC in honna leh Pathian khut ah latna nei hi.
Hiai hun ah Rev. M Zalian Guite, Divisional Superintendent, Lamka South Division in thugenna hun zang hi. EBCC Peniel ahihleh September 15, 2022 a EBCC Kanaan in a intuan hi a, tulel in inn 243, milip 1499 leh Upa Ordain 9 banah Pahtaknalai sang 3 om uhi. Local Pastor in Pastor MT Khanlal Guite om lel a, tuni mah in Quarter ah lut ngal uhi.
