EBCC Mata a nidang a Khristian Tuailai Pawl (KTP) kichi tuni a Baptist Youth Fellowship (BYF) kichita June 23, 1974 a kiphut khia, June 23, 2024 in, EBCC Mata Biakin ah 50th Anniversary leh Golden Jubilee kipahthu genna om hi. Hiai hun ah Pastor ana omsate, leh DS LSD te va kihel uhi. BYF Mata founding member damlaite leh a dam nawnloute phawkthakna hun ah thilpiak piakna leng nei uhi. Hiai hun ah Golden Jubilee suang honna leh latna General Secretary in nei a, Zampi 50 vei khetna leng om in, General Secretary in thugenna hun leng zang hi.
