EBCC Kanaan Biakinn honna leh latna tuni August 17, 2024 in Officiating Minister Rev. Dr. S. Vung Minthang, General Secretary in nei hi. Program hun nih a khen in Biakinn pua ah hunmasa zat hi a, hun nihna Biakinn sung ah kizang hi. Biakinn pua ah, Officiating Minister in Sam 118:1-4 sim in Biakinn thak honna nei hi.
Mipi Biakinn sung a lut in hun nihna Pastor M. Thangkhenmung, Local Pastor EBCC Kanaan makaih in zat in om a, Officiating Minister in thukidawng simkhawmna makaih in Biakinn thak latna thumna nei hi. Upa H. Pumzasuan, Local Chairman in Vaidawnna thu gen in, Report tomkim Upa T. Dongkhanthang, Local Secretary in nei hi. Officiating Minister in thugenna hun zang in, saptuam makaite thumsakna Rev M. Zalian Guite, DS Lamka South Division in nei hi. Tuazoh in kipahthugenna Upa G. Doulianmang, Vice Chairman in nei in, Pastor (Rtd) S. Thangchinlun in hunkhakna thumna nei hi.
Program zat hunsung in EBC Central Choir, BYF leh Dork Pawl te akipan phatna lapawl ngiahkhiak in om hi.
Biakinn toh kisai
1) Biakinn masa- Honni: Sept. 15, 2009
2) Biakinn nihna- Nasep pat ni: March 3, 2015; Hon ni: April 11, 2015
3) Biakinn thumna- Nasep pat ni: April 1, 2019; Hon ni: August 17, 2024
Biakinn let dan: 100x55ft
A san dan: 22ft
Capacity: 700
Senna: 1,01,28,917
Vanzat: 11,74,000
Gawmkhawm: 1,13,02,917.00
Hiaite banah, Tutna mi kiphal 197 te thohkhawm Rs. 8,94,800 bei a ki bawl ahi.
Headquarter leh Division akipan loan leh grant Rs. 66,00,000 ahi.
Saptuam Dinmun:
Inn: 403/Innkuan: 409
Full Communicant Member: 1,461
Primary Member: 791
Junior Member: 206
Gawmkhawm: 2,458
Upa Ordain: 29
Active: 23
Pahtakna lai sang: 6
Pastor Retired: 2
