December 17,18, 2024 in EBCC Songtal in Dorcas Diamond Jubilee lopna hun thupitak in zang uhi. Tunkim zan in Rev. Dr. V. Ginsianthang, Divisional Superintendent, Singngat Division in Program hong a, Ms Nemngaihmawi Dorcas Coordinator in Pathian thutak gen hi. Azing December 18, 2024; 9:30 am in Rev. Dr. S. Vung Minthang, General Secretary in Jubilee Suangphuh honna nei a, teltuam heutu 75 in Jubilee dakpi khen uhi. Tuakhit in Biakin sung ah program zat ahi. Rev. Dr. Ginsianthang, Divisional Superintendent, Singngat Division in Souvenir hong a, Upa G. Thiankholian, Songtal Hausa in thukhah gen in, Rev. Dr. S. Vung Minthang, General Secretary in Pathian thutak gen hi. Nitaklam in bawng khat leh vok khat gou in mipi’n Jubilee ankuang umkhawm uhi. Nitak program ah heutupa General Secretary in thutak gen in Rev. Dr. V. Ginsianthang, DS, Singngat Divn. in Jubilee khak hi. Hiai Jubilee ah Songtal khosung a saptuam dangte toh khentuam omlou in bangkim ah pangkhawm uhi. Dorca Pawl December 18,1949 a kiphut khia December 18, 2024, tan honpi Toupa hoihna thupitak ziakin Pathian phat khawm uhi.
