Central Baptist Youth Fellowship (CBYF) in 1965 kum a Khristian Tuailai Pawl (KTP/BYF) na kiphut khia tuni a hon dampih lai heutu masa (KTP Founder Member) te toh August 30, 2024 nitaklam in Dorcas Jubilee Guest House, Dorcas Hall, New Lamka ah ankuang sawkkhawm in kithuahkhawmna hun zang uhi.
Tuni tan a hon dampih lai heutu masate:
1. Upa N. Vungthang, Founder Chairman
2. Pu Haukhomang, Founder Asst Secretary
3. Pu H. Vungzamang, Finance Secretary
4. Upa L. Tualthang, Member
5. Upa S. Sanglian, Member
6. Pu L. Thangnon, Member
Hiai hun in Rev Thawndoulian, Director of Ministries in amaute hanthawnna leh thumsakna hun zang a EBC sung a Tuailai tengteng sik-leh-tang in CBYF in amaute gift in blanket khatchiat present hi. Heutu masate akipan sharing manphatak ngaihkhiak hi a, KTP (BYF) kipattung a haksatna a tuahte uh, a kuhkalna leh awlmohna ziak a panlak dan tuamtuam te leh maban tuailai te panlak dingdan limlahna leh sharing manphatak nei uhi.
Hiai program ding a pan hon lakpih Dorcas Hall a Heutute, a bik in CBYF adviser Rev Thawndoulian, Director of Ministries EBC, CBYF Member te leh EBC Media team te tung ah kipahna lian mahmah hi.
