EBC Hq. leh Division Baptist Children Department, Lamka North Division saina in Division BCD Intermediate leh Senior pawlte Evangelistic Meet 2024, July 13 leh 14, 2024 in Gospel Centenary Hall ah Pathian ompihna toh lamzang leh manphatak in zatzoh in omta hi.
Rev. Thawndoulian, Director Ministries in meet honna nei in, Program hunsung in Child Co-ordinator leh a team-te makaih in phatkhawmna hun zat hi a, Rev. Gin Malsawm, Principal GBC leh Evan. Upa Lianding Guite te'n thutak genna hun zang in, Rev. M. Khamkhanchin, DS Lamka North Division in program khakna nei hi.
Hiai Program ah Division sunga Saptuam tuamtuam akipan Intermediate leh Senior pawl naupang 1000 vel paikhawm in, Pianthakna nei leh Hinkhua Siangthou tak a zang ding a Pathian muanna toh thupukna la tamkhop om uhi.
