Thumna Makai | KTZ

Thumna Makai | March 2019

1 SINTAWPNI: February kha hon zangzousak a March kha honpi tung i biak Pathian kiang ah kipahthu gen ni. March 1-3 sung EBCC Bukpi in second coming chialpi nei ding a, Evan. T Damkhothang in thu gen ding, thumpih ni.

2 KIGINNI: February 23 apan March 18 tan daih ding “Braille Training” kho muloute laisim dan kisinsakna Mr Khristiannunlala, Kolasib, Mizoram makaih in Evan. N Thangsuanpau’ Room, Dorcas Hall ah neilel uh, thumpih ni.

3 NIPINI: February 12-16 sung EBC a semtute zite leh semtu numeite camp lohchingtak a Pathian pina toh zoh ahihman in kipahthu gen ni. Hiai numeite tungtawn a vualzawlna tampi a hong luankhiakna ding in thum ni.

4SEPPATNI: Emmanuel Academy CES Teikhang in March 5 in Silver Jubilee lawm ding uh a, Rev Ginmalsawm DSD in hunpi zatna va nei ding hi. Hiai programme lohching tak a zat ahihna ding in thum ni. Himalayan Mission Field Sikkim a semtu Evan. Chingkhongai, sinkha operation kibawl lohching tak a zoh ahihman in kipahthu gen in, hong damsiangna ding in thumpih ni.

5 SEPNAWNNI: MVM toh sepkhawmna ding a survey bawlkawm ding in, Evan. NK Naulak, K Kamkhenthang, K Siamzoulian leh L Pauchinlal te Maharashtra ah kuanta uh, thumna ah phawk ni.

6 NILAINI: February 20 akipan March 15 tan daih ding Manipur Board nuai ah Class X ekzamna pailel hi. Sinlai naupangte adia hun poimoh tak ahihman in buaina tuamtuam omtheite lak apan Toupan hon venbitna ding in thum ni.

7 NINGANI: March 8-10 sung EBCC Bualjang in Hotdamna chialpi nei ding a, Evan. Lianding Guite in thu gen ding. Pastor G Thuamminlian tanu Fortis Hospital, Delhi ah kal lam buaina ziak a ki-enkol, kha 6 sung huai mun a treatment lak ngai, hong dam siangna ding in thumpih ni.

8 SINTAWPNI: March 9-11 sung EBCC Delhi BYF in Silver Jubilee lawm in Pathian kiang a kipahthu genna programme bawl uhi. Hiai hun ah Rev V Thangkhanmuan, Youth Coordinator in thugenna hun zang ding, lohching tak a zat ahihna ding in thumpih ni.

9 KIGINNI: March 10 zing leh nitak in EBCC Bethany tualsung saptuam in Mission Motivation hun nei ding uh a, Rev Paukhanmang Guite, GS in thu gen ding, lohching tak a zat ahihna ding in thumpih ni.

10 NIPINI: Lamka South DMC malakna a EBC Mission Fieldte a Workers’ Empowerment Programme paizel ah, March 11-14 sung Dhemaji Mission Field ah zang ding ua, Rev K Kamchinkhup, Director of Missions, Rev L Khaikhansong, DS Lamka South leh Upa T Paukhansiam, Missions Coordinator ten thupi tuamtuam pansan in sinsak ding uh, thumpih ni.

11 SEPPATNI: March 12-15 sung CES Bukpi in Evangelistic Week zang ding a, Rev Chinkhengoupau, Child Coordinator in thu gen ding, thumpih ni. I Saptuam office tuamtuam a panpihtu, grade IV ten chidamtak a hon sep zom zel theihna ding un thumna in phawk ni.

12 SEPNAWNNI: March 14 in CES Kawlbem in Silver Jubilee lawm ding a, bialtu MLA L Thangmawi, Rev Gin Malsawm, Director, SD leh Rev Dr V Ginsianthang, DS/Mizoram leh mi tuamtuam in uap ding. Programme lohching tak a zat ahihna ding in thumpih ni.

13 NILAINI: Ninevi Revival Crusade vaisaina a thumna programme paitou zel tuni in Hebron Biakin ah neih hi ding a, Evan. T Damkhothang in Revival Message gen ding hi. I gamsung a revival hong tun ding ngai mahmah i hihman in thumna in phawk chiat ni.

14 NINGANI: Rev N Khaikhuphang leh a zi Nianggelvung February 4 in damtak in Thailand tungnawnta uh, Kipahthu gen in Pathian vanzat thupi tak ahong hih ua lamzang tak a hon sepzom theihna ding un thumpih ni.

15 SINTAWPNI: Manipur Board nuai a Class XII ten March 18-23 sung ekzam ding uhi. Hiai ekzam hun sung a khotang chidam Toupa’n hon piakna ding in leh siamsin naupangte mahmah ading in thumsak ni.

16 KIGINNI: The Malsawm Initiative, pianken a vualbanloute etkolna a panlapi Mr Pauzagin Tonsing leh a seppihten lohching leh Pathian deihna bang a hon sep zel theihna ding un thumpih ni.

17NIPINI: I gamsung a tagah kepna mun a om naupang hehpihhuai taktakte leh Rehabilitation centre a om khamtheih sal a tang tuailai hehpihhuai taktakte thumsak ni. Amau kemtute ziak a kipahthu gen kawm in thumpih ni.

18 SEPPATNI: March 19-23 sung Grace Bible Church, Immanuel Khopi in Camp nei ding a, Evan. T Damkhothang in thu gen ding. March 18-21 sung in BYF Hiangtam Lamka Committee member chialpina ah Rev Chinkhengoupau, Child Coordinator in thu gen ding, amaute thumpih ni

19 SEPNAWNNI: March 20 in Ninevi Revival Crusade programme paizom tou zel ah Evan. Lianding Guite in revival message gen ding, amah leh crusade vaisaite leh paikhawm mipi tengteng thumpih ni.

20 NILAINI: Pathian vualzawlna muang a saptuam budget 2018-2019 pailel ah supplementary bawl thei ding tan a vualzawlna i tan man in kipahthu gen ni. Pathian in tualsung a om a saptuam mite zang in nna tampi hon semsak a i kipak mahmah hi. Kipahthu gen ni.

21 NINGANI: Pathian pomtak Biakna chih thupi a i neih pansan in kha nih sung thu-nasepna i zangta. Hun tamzaw i neihlaite Saptuam chih in khalam halhthakna i ngahna ding in thum ni.

22 SINTAWPNI: Tualsung saptuam a tawltak leh gin-omtak a sumsaite ziak in kipahthu gen ni. Pathian in hihtheihna leh chidamna hoih hon piak a a inkuante tanpha nawngkaisak theite lak a hon kepbitsak nading in thumpih ni.

23 KIGINNI: India gam vaihawmtu lianpen leh state tuamtuam apan palai ding MP kitelna om ding thumna in phawk ni. India ah sahkhua zalenna bei hiaihiai adiak in Khristiante deihlouhna in masawn hat mahmah ahihman in i Pathian kiang ah thum ni.

24 NIPINI: Nipini skul tungtawn a naupang kepna hoihtak i neihman in Pathian kiang ah kipahthu gen in, sinsaktute leh sintute ading in thum ni.

25 SEPPATNI: DORCED chih min phuak a Dorka pawlte’ naupang chawmna nasep paihoih zel ziak in kipahthu gen ni. Hiai nasepna tungtawn a Pathian limsak naupang leh missionary ding ahong piankhiakna ding in thum ni.

26 SEPNAWNNI: Zingchiang in CBA Central Church ah Ninevi Revival Crusade programme paizom nawn ding a Evan. T Damkhothang in revival message gen ding hi. Thugentu leh paikhawm tengteng thumpih ni.

27 NILAINI: Nam makaite, khotang makaite leh Saptuam Makaite Khristian ngen i hihman un kipumkhat leh lungsim munkhat a semkhawm a Pathian lalgam keklet ahihna ding in thum ni.

28 NINGANI: DORCED Tailoring centre a puankhui sinlelte’n masawn mahmah uh, kipahthu gen in, maban a leng chidam a nekzon theihna ding khop a hon zohna ding un thumpih ni.

29 SINTAWPNI: Pathian vualzawl-na vanzat adiak in Motor tampi i neita uhi. Dorcas Hall kia hinawn lou in Division chih leh Mission Fieldte tanpha ah i zang thei a kipahthu gen ni. Driver-te chiklai peuh in thumpih ngai mahmah uhi, hihkhelh theihna lak a Toupa venbitna ngen in thumsak ni.

30 KIGINNI: I saptuam in sawltak i neihte, Evan. T Damkhothang, Evan. Lianding Guite leh Evan. N Thangsuanpau ten Pathian deihna bang a chidamtak a hon sep zel theihna ding un thumpih ni.

31 NIPINI: March khatawp tan hon pitung nawn takman in i biak Pathian kiang ah kipahthu gen ni Sum kum tawp tan a vualzawlna i tante ziak in A min phat ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia