Thumna Makai | KTZ

Thumna Makai | November 2019

1. SINTAWPNI: Oct. 30 – Nov. 2 sung EOC Hill Town in naupang camp nei ua Evan. Lianding Guite in thu gen. Nov. 1-3 sung Vangai Division BYF Khawmpi Chingmun ah om, Rev G. Kamzamuan DS leh Division sunga Pastor-ten thu gen ding uh. Tuni mah in Vengnuam ah meithai fellowship om, Mrs Nemngaihmawi DC thu gen in pang. Amaute thumpih ni.

2. KIGINNI: Tuni leh zingchiang EBCC Guwahati in Second Coming Chialpi nei uh, Rev Gin Malsawm, DSD in thu gen hi. Hiai hunsung in EBCC Bukpi in BYF Golden Jubilee lopna hun zang, Rev M Zalian Guite DS leh Rev V Thangkhanmuan, YC thu gen in pang uhi. Hiai hun sungmah in Zion in Upa Renewal Camp nei ua, Evan. T Damkhothang in thu gen hi. Thumna in phawk ni.

3.NIPINI: EBCC Aizawl Biakin menchim ziak a segawp tunding nawn pahna ahihna ding in thum ni. Tlangnuam a Biakin kibawl lel lamzangtak a paizom theihna ding leh Dinthar a Biakin mun thu saifel ahihtheihna ding in thum ni.

4. SEPPATNI: Nov. 5-9 sung Rehoboth PCI (R), Mualveng, Hiangtam Lamka in Hotdamna Camp nei ding ua, Evan. Lianding Guite in thu gen ding. Pathian kha vehna ngen in thumpih ni.

5. SEPNAWNNI: Sum saina toh kisai in, Division leh Local Saptuamten First Quarter Report hon pelut thei chiatta ua kipahthu gen ni. Second quarter a leng hon hih buchin pahna ding un thumna ah phawk ni.

6. NILAINI: Nov. 7-10 sung EBCC Khominthang in Nungzuihna Chialpi nei ding a, Evan. T Damkhothang thugenpi in pang ding. Pathian kha pawlna ngen in thumpih ni.

7. NINGANI: Toupa’n gamthak hon piakna, Assam a Hojai, Balijana leh Lumding Area ah missionary 2 zel a kipawl in October kha in lutchiatta uh. Amaute Pathian kha pawlna leh ompihna ngen in thumna ah delhzui ni.

8. SINTAWPNI: Nam leh Gam damna ding Pathian kia ahi chih phawk a, makaite leh mipite’n Pathian mel zong a, A khebul a i kituklut thak theihna ding un Pathian zahngaihna ngen in thum ni.

9. KIGINNI: Zingchiang in Rev Paukhanmang Guite GS in EBCC Zenhang Lamka ah EBC Bye-law sinsakna nei ding. November 11 in EBCC Chennai kum 10 chinna lawm ding uh Rev S Vung Minthang DM in thu gen ding. Thumna ah phawk ni.

10. NIPINI: Tunitak in Rev K Kamchinkhup DMs in EBCC G. Mualkawi ah Missions motivation hun zang in thu gen ding a, Upa T Paukhansiam, Missions Coordinator in EBCC Hiangtam Lamka ah hun zang ding. Pathian kha pawlna ngen in thumpih ni.

11. SEPPATNI: Tuni apan ni 14 tan EBCC Pethuel in Papila Camp nei ding a, Rev K Kamchinkhup DMs thugentu in pang ding. Hiai hun sung mah in EBCC Zenhang Lamka in Papi Hotdamna Camp nei ding a, Evan. T Damkhothang thugentu in pang ding. Thumna in phawk ni.

12. SEPNAWNNI: Zingchiang in Rev V Thangkhanmuan Youth Coordinator in Ninevi thumpawlte lak ah thu gen ding. Thugen tungtawn a Kha khanlohna a tuntheihna ding in thumpih ni.

13. NILAINI: Miss Zamhoihkim WEC missionary September 26, 2019 in China tungta hi. Aman Yunnan University ah kum 2 sung China pau sin masa ding hi. Thumna ah phawk ni.

14. NINGANI: Nov. 15-17 sung EBCC Paite Veng in Chialpi nei ding a, Evan. T Damkhothang in thu gen ding. Hiai hun sung mah in Central Lamka in “Khristian Inkuan” chialpi nei ding ua Rev Khaikhansong DS/LSD in thu gen ding. Thumana in thumpih ni.

15. SINTAWPNI: Tuni apan ni 17 tan EBCC Vengnuam in Tualsung Missions Khawmpi nei ding a, Rev K Kamchinkhup DMs in thu gen ding. Hiai hun sung mah in EBCC Hebron in Chialpi nei ding a, Evan. N Thangsuanpau in thu gen ding. Thumna in phawk ni.

16. KIGINNI: Kha 2 sung OMF makaihna nuai ah Rev Khaikhuphang leh a zi, Nianggelvung mun tuamtuam ah Vision Trip buaina omlou a chidamtak a azin theih ziak un kipahthu gen ni. Maban a training lamzangtak a hon sutzom theihna ding un thumpih ni.

17. NIPINI: Saptuam school a semtute Headmasters leh Evangelist Teachers ban ah Contract leh Casual a semtute tengteng ading in chidamna, pilna leh siamna ngetsak in thumpih ni.

18. SEPPATNI: Zingchiang apan ni 23 tan NTBC Bible Hill in Papi Camp nei ding a, Evan. T Damkhothang in Pathian thutak gen ding, Camp lohching a hihna ding in Pathian Kha vehna ngen in thupih ni.

19. SEPNAWNNI: Tuni apan ni 23 tan EBCC Zion in Tuailai Camp nei ding a, Rev K Kamchinkhup Director of Missions in thu gen ding, Pathian Kha kithuahpihna ngen in thumpih ni.

20. NILAINI: Zingchiang apan ni 30 tan daih ding Convention English School teng in kumtawp ekzam neita ding uh, Naupangte leh sinsaktute chidamna ngen in thumpih ni.

21. NINGANI: Zingchiang apan ni 24 tan EBCC Bangalore in Nungzuihna Chialpi nei ding a, Evan. Lianding Guite in Pathian thutak gen ding. Khasiangthou pawlna ngen in thumpih ni.

22. SINTAWPNI: December 5-8 sung EBC Kumsim Khawmpi 71na Centenary Hall ah om ding. Thugen dingte: Rev Vesekhoyi Tetseo @ Vee, General Secretary APBF, Rev Nang Lyan Kap, President, EBC Myanmar leh Bible Study Pitu: Rev S Vung Minthang, Director of Ministries thumna ah phawk ni.

23. KIGINNI: Tuailaite lak ah khamtheih sal a tang suakta thei mahmah loute, a nu leh pate ading a leng ittak hinawn lou, hehpihhuai tampi omte, Jesu Khrist itna zang in thumsak ni.

24. NIPINI: Bangmah lou i hih hunlai a saptuam phutkhia a, hihna kichian leh dinmun nei a hon bawltu Pathian mizat i heutu masate ziak in kipahthu gen ni. Amaute suante a tate leh tute uh thumsak ni.

25. SEPPATNI: EBC Kumsim Khawmpi 71na a Khawmpi Ulian ding anuai ate thumpih ni. Business Chairman: Upa Dr J Son Goukham, Business Vice Chairman: Upa Joel G Hangzo, Recording Secretary: Upa M Thanglianmang, Asst. Rec. Secretary: Upa K Khamzamuan.

26. SEPNAWNNI: Zingchiang apan ni 29 tan Guwahati ah Indian Baptist Women Union (IBWU) General Assembly om ding, EBC Saptuam akipan Dorcas Coordinator makaih in mi 27 va kihel ding ua, special No. khat keng ding uhi. Khawmpi lohching tak a zat ahihna ding in thumpih ni.

27. NILAINI: Tuni apan ni 30 sung ESC Chiengkonpang in Papi Camp nei ding a, Evan. T Damkhothang in thu gen ding. Khasiangthou pawlna leh makaihna ngen in thumpih ni.

28. NINGANI: Siamsin Naupangte leh tuailaite nu leh pa adia lametna tengteng omna ahih man un lamzanna leh vualzawlna ngen in thumsak ni.

29. SINTAWPNI: Saptuam ah numeite nna hoih sep muh ding tampi i nei a kipahthu gen ni. Headquarters leh tualsung saptuam tanpha ah tagah gentheite kankuahtu ahihman un thumsak zel ni.

30. KIGINNI: Tu kha bei nawnta. Pathian hoihna i muh zel ziak in kipahthu gen ni. Saptuam project golpipi zohnailouh omte– Centenary Hall, Mission Jubilee Center leh a dangdangte phawk in thum ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia