Thumna Makai | KTZ

Thumna Makai | September 2019

1.NIPINI: August kha damtak a hon zang zousak i Biak Pathian kiang kipahthu gen in, September kha manpha seem leh lohching sem a i zattheihna ding in thum ni. Tuni in Rev K Kamchinkhup, Director of Missions in MEBC Thoubal Khunou ah Missions motivation hun zang ding, thumpih ni.

2. SEPPATNI: September 2-5 sung EBCC Vengnuam BYF makaih in chialpi om ding a, Rev K Kamchinkhup, Director of Missions in Tanchinhoih gen ding. Pathian Kha vehna ngen in thumpih ni.

3. SEPNAWNNI: September kha hong hinawnta ahihman in, Division level a khawmpi tuamtuam neih ding maban ah omchiat ta hi. Hiaibang khawmpite Pathian Kha vehna leh houpihna kichiantak i tanna ahihngeina ding in thumna ah phawk ni.

4. NILAINI: Pathian in Mission Field thak a hon piak ding lametna leh lunggulhna lianpi Survey kibawl lellelte lohchingtak a paipih ahih theihna ding in thumna ah phawk ni.

5. NINGANI: Tuni apan ni 8 tan EBCC Central Lamka ah Chialpina kipan hi Evan. T Damkhothang in thutak genna hun zang ding. Pathian Kha vehna ngen in thumpih ni. Rev V Thangkhanmuan, Youth Co-ordinator in Division chih DBYF toh consultation a neih lohchingtak in zouta, kimeltheih tuahna leh sepkhawm ding dan genkhawmna hun ahihman in, phatuam mahmah dia lam-et ahi. Pathian kiang kipahthu gen ni.

6. SINTAWPNI: Tuni apan ni 8 tan Lamka South Division Missions Khawmpi, EBCC Pethuel ah om ding a, Rev K Kamchinkhup in Tanchinhoih gen in, Rev L Khaikhansong, DS in zingkal Bible Study makaih ding. Khawmpi lohching leh Khasiangthou pawlna ngen in thumpih ni.

7. KIGININI: Pastor M Ginzatun, tulel a Bangalore a Laisiangthou sin a om in, taksa damtheihna tasam mahmah, Pathian a kipan hihdamna leh hihhatna ngetpih ni. A sinna lam bah mai lou a tunglam a kipan pilna tamsem a muhna ding in thumpih ni.

8. NIPINI: Gamdang leh India gam mun tuamtuam a Laisiangthou sin a om tuailai Pathian nasem dia kisin lelte ziak in Pathian kiang a kipahthu gen in, lohchingtak a a zil chiat uh hon zohna ding un thumpih ni.

9. SEPPATNI: September 10-13 sung EBCC Zenhang Lamka in “Lang bei” camp nei ding a, Rev K Kamchinkhup, Director of Missions in thu gen ding. Pathian kha ompihna ngen in thumpih ni. September 10-12 sung EFI Khawmpi, Itanagar, Arunachal Pradesh ah om ding a, Rev Gin Malsawm, Director SD, Rev L Khaikhansong, DS Lamka South leh Pastor Thangbiaksang, Guwahati te va kihel ding uh. Khawmpi lohching ahihna ding in thumpih ni.

10. SEPNAWNNI: September 10-13 sung CES Lamzang in Evangelistic Week zang ding a, Evan. Lianding Guite thugenpi in pang ding. Naupangte lak a Pathian Kha vehna atunna ding in thumpih ni.

11. NILAINI: September 12-15 sung Singngat division in Ordainte Renewal Camp nei ding a, Rev S Vung Minthang, Director of Ministries in thutak gen ding. Hiai hunsung mah in TBDF Bungmual in “Lehlang Camp” nei ding a, Evan. T Damkhothang in thugen ding. Pathian Kha pawlna ngen in thumpih ni.

12. NINGANI: September 13 in Mrs Nemngaihmawi, Dorcas Co-ordinator in EBCC Tangnuam meithai Fellowship ah sinsakna pia in thugen ding a, September 14 in Bethel Baptist Church, Lailam Veng ah Meithaite toh hun zang ding. Pathian ompihna ngen in thumna ah phawk ni.

13. SINTAWPNI: I Saptuam a committee poimoh mahmah, CEC leh District chih a DWC member-te ziak a kipahthu gen in, amaute tungtawn a Pathian in A Saptuamte lamzangtak a hon makaih theihna ding in thum ni.

14. KIGINNI: September 15 in DBMC Mizoram in EBCC Kawlbem ah “One day Missions Motivation” programme zang ding a, Rev K Kamchinkhup, Director of Missions in thugen in sinsak ding. Pathian Kha ompihna ngen in thumpih ni.

15. 15NIPINI: Bethel Home Mission, Tamu tungtawn a Mr. Pauven Ngaihte sepna in masawn zel. Naupang 16 bang kem ua, huaite lak ah Mercy Sangvongshe in Kolpi ah Bible sinlel hi. Thumna ah phawk ni.

16. SEPPATNI: September 17-20 sung EBCC Lamzang in Hotdamna Camp nei ding a, Rev K Kamchinkhup, Director of Missions thugenpi in pang ding. Pathian Kha vehna ngen in thumpih ni.

17. SEPNAWNNI: September 17-22 sung Bethel Baptist Church, Lailam veng in Hotdamna Chialpi nei ding a, Evan. T Damkhothang in thugen ding. Pathian Kha ompihna leh hih halhna ngen in thumpih ni.

18. NILAINI: I minam sung a pawl tuamtuam omte; ZRO/ZRA, PTC, YPA, SSPP, PLS leh a dang dangte’n Pathian deihna bang a lungsim mun khat pu a, hon makaih zel theihna ding un, Pathian a kipan pilna leh vaihawm siamna ngen in thumpih ni.

19. NINGANI: September 19-22 sung EBCC Jordan in “Nungzuihna Chialpi” nei ding a, Rev Gin Malsawm, Director, SD in thu gen ding. Pathian Kha ompihna leh makaihna ngen in thumpih ni.

20. SINTAWPNI: September 21-22 sung EBCC Lamphel in Missions Motivation hun zang ding a, Rev K Kamchinkhup, Director of Missions in thugen ding, thumna ah phawk ni.

21. KIGINNI: Tuni, September 21 in BCD Vengnuam in Inter-Senior pawl seminar sai ding a, Evan. Lianding Guite in sinsak ding. Tuni mah in EBC Moria in Meithai Fellowship nei ding a, Mrs Nemngaihmawi Dorcas Co-ordinator in sinsak in makaih ding hi. Ki sinsakna manpha ahihna ding in thumna ah phawk ni.

22. NIPINI: Tuni, September 22 in Rev V Thangkhanmuan, Youth Co-ordinator in EBCC Dimapur ah Missions motivation hun zang in thugen ding, thumna ah phawk ni.

23. SEPPATNI: September 24-27 sung ZPCS Zoumunnuam in Hotdamna Camp nei ding a, Rev K Kamchinkhup, Director of Missions thugenpi in pang ding. Camp lohching leh Pathian Kha vehna ngen in thumpih ni.

24. SEPNAWNNI: September 23 a kipan 29 tan daih ding in EBCC Dorcas Veng in Hotdamna Chialpi nei lel a, Evan. T Damkhothang thugenpi in pang hi. Pathian Kha vehna ngen in thumpih ni.

25. NILAINI: Rev Khaikhuphang leh a zi Nianggelvung-ten OMF Thailand tungtawn a pau sinna, Daniel Training lamzangtak in neithei zel uh, kipahthu genkawm in, khalam leh salam damna Toupa kiang ngetsak ni.

26. NINGANI: September 27-29 sung EBCC Lungthul D in Revival Crusade nei ding a, Evan. Lianding Guite thugenpi in pang ding hi. Pathian a kipan halhthakna diktak a ngahna ding un thumpih ni.

27. SINTAWPNI: September 28 in EBCC Hebron in Meithai Fellowship nei ding a, Mrs Nemngaihmawi, Dorcas Co-ordinator in sinsak in makaih ding, thumna ah phawk ni.

28. KIGINNI: Rev S Nengzakhup Exe. Director NECTAR Shillong leh a seppihte leh Missionary Training lelte phawk in, lohching leh gahsuahtak a apaitouh zel theihna ding in thumpih ni.

29. NIPINI: Laisiangthou tua kizang lel pen beinawnta ahihman in tu in gelhkhelhna mun khenkhat bawldikna pailel hi, zoh kin ahih a sutnawn pah ahihna ding in thumna in phawk ni.

30. SEPPATNI: Tu khabei ni tan Pathian in hon muhsak nawn man in akipahthu gen ni. Saptuam School a semtu Evangelist Teacher mun tuamtuam a semte phawk ni, naupangte lak missionary nasem ahihna bangtak a gahsuah a a sep theihna ding un thumsak ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia