Thumna Makai | KTZ

Thumna Makai | August 2019

1. NINGANI: August kha honmusak i biak Pathian kiang kipahthu gen ni. August 1-3 sung Mizoram Division Workers Fellowship om ding a, Rev Gin Malsawm, Director SD, Rev V Thangkhangin, DS Lamka North, Rev V Ginsianthang, DS Mizoram leh Upa T Langsanglian ten thupi tuamtuam pansan in sinsak ding uh, thumpih ni.

2. SINTAWPNI: July 29 - August 4 tan daih ding Zenhang Lamka BYF Chialpina pailel ah Rev K. Kamchinkhup, Director of Missions in thutak ankuang luina nei hi. August 2-4 sung Thanlon Division Leaders Nungzuihna Chialpi, EBCC Phaitong ah Evan. T Damkhothang thugenpi in pang ding, Khasiangthou thopna ngen in thumpih ni.

3. KIGINNI: Tualsung Saptuam kemtu Pastor tengteng leh Upa tengteng ading in Pathian kha siangthou makaihna tang a Pathian deihna bangtak a a septheihna ding un thumpih ni.

4. NIPINI: EBC in khasum apiak hilou, mahni kitoudelh a Missions agency tuamtuam a missionary nasemte, amin uh loukim theikei mah lehang, amaute ziak a kipahthu gen in, Pathian Kha ompihna leh makaihna ngen in thumpih ni.

5. SEPPATNI: Dorcas Hall, Division teng, GBC leh Mission Field teng a sum saite ziak a kipahthu gen in, diktatna toh fel leh kizentak a hon sai zomzel theihna ding un thumpih ni.

6. SEPNAWNNI: August 7 a CEC Meeting om ding, Pathian ompihna leh A deihna bang a thupukna lak ahihna ding in, member-te Pathian Kha ompihna leh makaihna ngen in thumpih ni. August 7-9 sung CES Hiangmun in Evangelistic Week zang ding a, Rev B Chinkhengoupau, Child Co-ordinator in thu gen ding, thumpih ni.

7. NILAINI: August 7-11 sung EBCC Shillong in BYF Camp nei ding a, Evan. T Damkhothang thugenpi in pang ding. Pathian Kha ompihna tang a lohchingtak a zat ahihna ding in thumpih ni.

8. NINGANI: August 8-10 sung Rev V Thangkhanmuan, YC in DBYF Mizoram toh Consultation Meeting nei ding, Pathian makaihna ngen in thumna ah phawk ni. August 9 in The Pathway School, Nehru Marg in One day Students Motivation Programme zang ding a, Evan. Lianding Guite in sinsak ding. Thumna ah phawk ni.

9. SINTAWPNI: August 10-11 sung Mata ah “Peace Festival” Programme om ding a, Rev S Vung Minthang, DM in thu gen ding. Hiai hun sung mah in EBCC Delhi ah Urban Missions toh kisai in Rev K Kamchinkhup DMs leh Rev Dr Ginneithang Ngaihte in hun zang ding, Pathian ompihna leh makaihna ngen in thumpih ni.

10. KIGINNI: August 11 in Rev Paukhanmang Guite, General Secretary in EBCC Tribal Colony ah Doctrine sinsakna nei ding, lohching leh manphatak a zat ahihna ding in thumna ah phawk ni.

11. NIPINI: Piching leh Naupang Nipini Skul sinsaktute ziak in Pathian kiang ah kipahthu gen ni. Sinsak a omten Pathian thutak hon theihchian seem theihna ding un thumpih ni.

12. SEPPATNI: August 12-16 sung DBYF saina in Imphal Division Tuailai Camp omding a, Rev K Kamchinkhup, Director of Mission leh Evan. T Damkhothang thugenpi in pang ding uh, Pathian Kha polhna ngen in thumpih ni.

13. SEPNAWNNI: I Saptuam Office tuamtuam a seem, Head Clerk te leh Clerical Staff te ziak a kipahthu gen in, a mohpuakna chiat uh kizentak a hon sepzoh theihzelna ding un thumpih ni.

14. NILAINI: August 15-17 sung Nemngaihmawi, Dorcas Co-ordinator in Himalaya Mission Field vehna nei ding a, Field BDF toh consultation leh seminar nei ding. Thumna ah phawk ni.

15. NINGANI: Mission Field a seem Field Superintendent te leh a seppih uh Missionary te ziak a kipahthu gen in, Pathian Kha ompihna leh khamangthang te veina ngen in thumpih ni.

16. SINTAWPNI: School tungtawn a Toupa nna i sepna in masawn zel, semtute leh sintute a ding in Pathian ompihna leh makaihna ngetpih ni. August 18 in EBCC Mission Compound ah naupang kepna toh kisai Rev Gin Malsawm, Director SD in sinsak ding, thumna ah phawk ni.

17. KIGINNI: August 17-21 sung EBCC Bangalore in Haithak lopna hun zangding a (18 & 20), Rev Paukhanmang Guite, General Secretary in thutak genna hun zang ding. Pathian Kha polhna ngen in thumpih ni.

18. NIPINI: August kha a BYF biakna kikhop teng EBCC Hiangtam Lamka ah Rev B Chinkhengoupau, Child Co-ordinator in Bible Study makaihzel, kipahthu genkawm in, buaina omlou a hon zoh theihna ding in thumpih ni.

19. SEPPATNI: August 20-24 sung EBCC Tangnuam in Makai Camp neiding a, Rev K Kamchinkhup, DMs in thu gen ding. Pathian Kha vehna ngen in thumpih ni. August 20 in Nemngaihmawi, Dorcas Co-ordinator in Karbi Field BDF toh consultation programme zang ding, thumpih ni.

20. SEPNAWNNI: August 21-25 sung EBCC Khokawn in Hotdamna Camp nei ding a, Evan. T Damkhothang leh Evan. Lianding Guite thugenpi in pang ding uh. Pathian Kha vehna ngen in thumpih ni.

21. NILAINI: Tuailaite saltanna zu leh khamtheih tuamtuamte gamdang a hong kipan kia hinawn lou in, ei sung a kipan a kibawlkhia tampi omta ahihman in poi mahmah hi. Pathian zahngaihna ngen in hiai bangte abei theihna din thum ni.

22. NINGANI: Zing chiang in EBCC Newlane ah meithai fellowship om ding a, Mrs Nemngaihmawi, Dorcas Co-ordinator in sinsak ding. Lohchingtak a zat ahihna ding in thumna ah phawk ni.

23. SINTAWPNI: Rev S Nengzakhup Exe. Director NECTAR Shillong leh a seppihte tengteng thumna in phawk ni. NECTAR a kipan missionary training zousa tengteng ziak a kipahthu gen in a sepna mun chiat ua gah tampi suang thei ding in thumpih ni.

24. KIGINNI: Rev Dr Pum Za Thang President GETS Bangalore leh a seppih tengteng thumna in phawk ni. Hiai Bible College a sin zousa tengteng ziak a kipahthu gen in, amau mun chiat a Pathian nasemtu muanhuai ahihna ding un thumpih ni.

25. NIPINI: Saptuam skul khaw tuamtuam a omte’n August 26-30 sung Pre semester exam nei ding uh thumna in phawk ni. Naupangte chidamna ngetsak in, sinsaktu tengteng ading in leng thum ni.

26. SEPPATNI: August 27-29 sung KEBC makai kisinsakna omding a, Rev K Kamchinkhup, Director of Mission leh Rev S Vung Minthang, Director of Ministries-ten sinsak ding uh. Toupa ompihna ngen in thumpih ni.

27. SEPNAWNNI: August 27-31 sung EBCC Bethany in Salpha Camp nei ding a, Evan. T Damkhothang leh Evan. Lianding Guite thugenpi in pang ding uh. Khasiangthou ompihna leh makaihna ngen in thupih ni.

28. NILAINI: Tuailai siamsin lelte civil service a tampi a hong lut touh paisuak theihna ding un leh professional line a sinlelte leng a tawptan tungzou ding a Pathian pina ngen in thumsak ni.

29. NINGANI: August 30 in Lamka South Division sung a BDF makaite Seminar omding a, Nemngaihmawi, Dorcas Co-ordinator in makaih ding. Thumna ah phawk ni.

30. SINTAWPNI: Grace Bible College Fall Semester kipan nawnta. Rev Dr Khamkhanchin Principal leh a seppihte ban ah sintute tengteng a ding in thum ni. BOG Chairman Upa Dr. Son goukham leh member tengteng leng thumsak ni.

31. KIGINNI: Tuni kha beini tan Toupa’n hon tonpih nawn a kipahhuai kipahthu gen ni. Pathian zahngaihna ziak a nam mangthang i hihlouhna ding in ngen ngutngut ni, ei bawl hilou a Pathian hon piak heutu i poimoh hi.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia