Thumna Makai | KTZ

Thumna Makai | June 2019

1 KIGINNI: May kha hon zang zousak a, June kha hon pikai i biak Pathian min phat in, A kiang ah kipahthu gen ni. June 1-2 sung EBCC Kanaan veng in BCD chialpi nei ding a, Evan. T Damkhothang thugenpi in pang ding. Hiai hun sung mah in Evan. Lianding Guite in EBCC Bukpi ah BCD day zang in thu gen ding hi. Thumna ah phawk ni.

2 NIPINI: June 3-6 sung NLBC Pasal Camp GBC ah om ding a, Rev K Kamchinkhup, Director of Missions leh Evan. T Damkhothang in thu gen ding. Pathian kha vehna toh Camp lohching ahihna ding in thumpih ni.

3 SEPPATNI: June 3-11 sung CES teng in First Semester Exam nei ding. Naupangte leh sinsaktute chidamna ngetsak in thumpih ni.

4 SEPNAWNNI: June 5-9 sung EBCC Khominthang in Hotdamna Chialpi nei ding a, Evan. Lianding Guite in thu gen ding. Pathian kha vehna ngen in thumpih ni.

5 NILAINI: Pawl X leh XII result hoihtak Toupan hon piak man in kipahthu gen ni. Tampi lohchingte lak ah lohsam omkhate i thuakpih a, Pathian ompihna ngen in thumpih ni.

6 NINGANI: June 7-9 sung EBCC New Kangkap in BCD chialpi leh Pentecost day zang ding a, Evan. T Damkhothang in thu gen ding. Thumpih ni.

7 SINTAWPNI: June 7 in Rev V Thangkhanmuan, Youth Co-ordinator makaihna in EBC Vangai Division BYF in consultation leh fellowship EBCC Buangmun ah nei ding uh, a lohchinna ding in thum ni.

8 KIGINNI: June 9 Pentecost Day ah Rev Paukhanmang Guite, General Secretary in EBCC Hebron ah thu gen ding, Rev S. Vung Minthang, Director of Ministries in EBCC Pethuel ah thu gen ding a, Rev Gin Malsawm, Director SD in EBCC Bethlehem ah thu gen ding. Pathian Khasiangthou thopna ngen in thumpih ni.

9 NIPINI: Nute ni leh Dorcas Day manpha leh lohchingtak a zatzoh ahihman in, hon pitu Pathian kiang kipahthu gen ni.

10 SEPPATNI: Mrs Nemngaihmawi Dorcas Co-ordinator in Division chih a Dorcas Committee toh consultation lohchingtak in neisuak ta, Pathian kiang kipahthu gen ni.

11 SEPNAWNNI: June 12-15 sung EOC Hmuia veng in Gilead Tlang ah Khanglai Camp nei ding a, Evan. Lianding Guite thugenpi in pang ding. Camp lohching ahihna ding in thumpih ni. June 12 CEC meeting ding Pathian pina leh makaihna ngen in thumpih ni.

12 NILAINI: CEC in Auditors ding a mohpuakna anapiak, Upa M Darneingam, Thangbiaklian Tombing leh Singnunsiam Ngaihte ten mission fieldte leh Division Office te ah sum etdikna neisanlel uh, Pathian ompihna leh makaihna ngen in thumpih ni.

13 NINGANI: June 14-16 sung EBCC Shillong in Pate Ni leh Leaders Camp zang ding a, Rev K Kamchinkhup, Director of Missions in thu gen ding. Pathian kha vehna ngen in thumpih ni.

14 SINTAWPNI: I minam sung a buainaten maban a sawnlouh a, kipumkhatna tundingthak ahihna ding in lungtang tengteng toh Pathian buan in, A khebul ah kitulut in thum ni.

15 KIGINNI: June 16 Pate Ni ah Rev Paukhanmang Guite, General Secretary in EBCC Pethuel ah thugenna leh Seminar hun zang ding, Rev S Vung Minthang, Director of Ministries in EBCC Khominthang ah thu gen ding a, Rev Gin Malsawm, Director SD in EBCC Dimapur ah thu gen ding. Thumna ah phawk ni.

16 NIPINI: Tuni a Saptuam chih in Pate Ni zang ding ahihman in, Pathian ompihna ngen in, abiktak in Pate ziak in kipahthu gen ni.

17 SEPPATNI: June 18-22 sung EBCC Sinzawl in Leaders Camp nei ding a, Rev K Kamchinkhup, Director of Missions in thu gen ding. Camp lohching ahihngeina ding in thumpih ni.

18 SEPNAWNNI: June 19-22 sung EBCC Singngat in Leaders Camp nei ding a Rev S Vung Minthang, Director of Ministries in thu gen ding. Thumpih ni.

19 NILAINI: June 19-22 sung EBCC Hiangtam Lamka in Photkikna Camp nei ding a, Evan. T Damkhothang leh Evan. Lianding Guite in thu gen ding. Thumpih ni.

20 NINGANI: Grace Bible College a semte leh sintute ziak a kipahthu gen in, maban lamzangtak a hong pai zom zelna ding in thumpih ni.

21 SINTAWPNI: June 22 in Rev V Thangkhanmuan, Youth Coordinator in Singngat Division BYF Committee toh consultation leh Fellowship nei ding, thumna ah phawk ni.

22 KIGINNI: I gamsung a diktatna tawisang a om a, Pathian Khasiangthou vehna tungtawn a halhthakna diktak hong tunna ding in thum ni.

23 NIPINI: May 24-28 sung IMM/WEC Khawmpi, Thailand a om ding ah Rev K Kamchinkhup va kihel ding. Khawmpi lohching leh manpha ban a Mission nasepna a kalsuanna hong hihna ding in thumpih ni.

24 SEPPATNI: June 25-30 sung EBCC Sinzawl in Hotdamna Camp nei ding a, Evan. Lianding Guite thugenpi in pang ding. Pathian kha vehna ngen in thumpih ni.

25 SEPNAWNNI: June 25-29 sung Bethlehem Baptist Church, Gochinkhup Veng in BCD Hotdamna Camp, GBC ah nei ding a, Evan. T Damkhothang in thu gen ding. Thumna ah phawk ni.

26 NILAINI: Gamsung leh khotang vaihawm ding Toupan hon piakte ziak a kipahthu gen in, Amah laudan siam a vai hon hawm theihna ding un thumpih ni.

27 NINGANI: June 28-30 sung EBC Mizoram Division Dorcas Khawmpi EBCC Khawkawn ah om ding a, Mrs Nemngaihmawi, Dorcas Co-ordinator thugenpi in pang ding. Thumpih ni.

28 SINTAWPNI: India gam ah Hindu sahkhua hat in kilang mahleh na melmate uh it unla, thumsak un chipa Pathian kiang ah Hindu mite tengteng tung a zahngaihna ngen in thumsak ni.

29 KIGINNI: Leitung pumpi et in Muslim gamte a buaina omte sihchilh bom leh adangdangte khauh thei mahmah, himahleh Pathian zahngaihna ziak a Pathian diktak a hon muhna ding un thumsak ni.

30 NIPINI: Tuni khabei ni tan Toupa’n damtak in hon pikai nawn a kipahhuai mahmah kipahthu gen ni. Convention Book House a nasepna a lamzan zelna ding in semtute thumsak ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia