Reports | KTZ

Semtute Zite leh Semtu Numeite Camp 2 veina

Heutute pha sakpihna toh EBC sung a semtute zite leh semtu numeite camp 2 veina a paisa February 12 - 16, 2019 sung Gilead Tlang, Kawnpui ah Central Dorcas’ Sub-Committee vaisaina nuai ah kinei hi. Hiai camp thupi ‘PATHIAN POMTAK SEMTU’ 2 Timothy 2:15 a pan lakkhiak ahi. Chialpina toh kisai lam thugenna heutunu Miss Dimzangai leh Miss Liankhoman ten nei ua, sinsakna heutupa Rev. Vungminthang Director of Ministries leh heutunu Muani Tombing ten nei uhi. Camper mun tuamtuam – Singngat Division, Thanlon Division, Mizoram Division, Khopi saptuam, Mission Field, Lamka South leh North Division, Grace Bible College, Convention Book House, Dorcas’ Hall, Division office-te akipan in mi 114 vel kipaikhawm hi.

Camp sung in Pathian khasiangthou ompihna leh makaihna thupitak kitang hi. Mi 40 vel in khalam pianthakna nei in mi 29 vel in khalam halhthakna mu ua kipahhuai petmah hi. I thumnate hon ngaikhia a hon dawng zel a khalam salam a tai leh vahtak a hon pipa Pathian thupina ka pia hi. Camperte khenkhat Pastor zi, khenkhat schoolpu te zi, khenkhat office staff-te zi, khenkhat amau mahmah semtu khat hi uhi. Hihnadan kibanglou chiat himahle leng Pathian in hiai camp sung a thu zakthak leh i muhkhiak thakte aleh tampi a mahni mun chiat ah a manpha thei pen a zang khe ding leh hinpih ding in hon vualzawl hen! Ka kipak.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia