Reports | KTZ

Khopi Saptuam Dorka Makai Camp khatveina Report

Report simtute i Toupa Jesu Khrist min in chibai aw! Khopi Saptuam Dorka Makai camp 1-veina report tomkim i taklang ding. EBC Head Quarters Sponsored in Khopi Dorka Makai Camp khatveina Sept. 20-23, 2018 sung Six Mile Panjabari Road Capuchin House Guwahati ah ki nei hi. Hiai camp ah Central Delhi, Dwarka Delhi, Mumbai, Shillong, Bangalore, Dimapur, Kolkata, Guwahati apan leh heutute toh mi 44 kipaikhawm hi.

Camp honna: Sept 20, 2018 in Pastor V Thangkhanmuan, EBCC Guwahati in camp hon na nei hi. Camp hun sung in “Nang Vualzawna hi in” (Gen 12:2) chih thupi pansan in Rev Paukhanmang Guite, Director of Ministries, Miss Dimzangai President, CDSC leh Miss Liankhoman Dorcas Co-ordinator ten thugenna hun zang ua, Pastor V. Thangkhanmuan, Guwahati Pastor, Camp Director in pang hi.

Hun zatdante: Thugentute’n Khrist a kibulphuhna hotdamna thu gen in, Makaihna leh Thugin (Doctrine) kisinsakna leng hon neihpih uhi. Camper-te lak ah tutung a hotdamna kitheichian leng om in, kipahna thak nei a kilanthak vek phial ki hi hi. Ka camp uah Pastor zite 5 hong tel ua amauten a topzan in Pathian phatna La sa uhi.

EBCC Guwahati Dorka Pawl in Camperte tengteng vaidawnna in Assamte dialpuan khat chiat kibaatsak hi. September 23, 2018, 9:00Pm in Pastor V Thangkhanmuan in Camp khakna nei in camperten nuamsa leh lungkim tak in camp kizou hi. Hiai tan honpi Pa Pathian in thupina teng tangta hen.

Khopi Dorka makaite sik a report petu,

Sd/- K. Ngaihlian,
Secy. TBDF, Guwahati

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia