General News

Dorka Khawmpilian 42na leh Platinum Jubilee

Dorka Khawmpilian 42na leh Platinum Jubilee November 28, 2021 chiang in EBC Gospel Centenary Hall, New Lamka ah "Na Inn ah Kik In" Luka 8:39 chih thupi a nei in program zat hiding.

Hiai hun ah Rev Paukhanmang Guite, General Secretary, EBC leh Rev S Vung Minthang, Director of Ministries, EBC te thugen in pang ding ua, khawmpi zatna session 3 in kikhen ding hi.

Session 1 zinglam dak 10:00 in Hall pua ah kipan ding a, Program honna leh thumna Rev. V Thangkhangin, DS Lamka North Div, EBC in nei dia EBC Central Choir makaih in phatkhawmna "Tuan a siamthu sut leng maw" makaih ding. Hiai hun ah Jubilee dak khetna CDSC makaih in Dorka heutu masaten nei ding ua, CDSC, Division BDF President leh Secretary ten flag marching nei in hall sung lut ding uhi.

Hall sung ah Rev L Khaikhansong, DS Lamka South Div, EBC in thumna nei in Vice President, CDSC in vaidawn thugen gen ding a, BDF Zenhang Lamka makaih in Biakna leh phatna hun zat hiding hi. Editorial Board akipan Souvenir pulakna leh honna Rev Gin Malsawm, Director Social Development, EBC in nei in, phatna lapawl EBC Central Choir, Jubilee thilpiak latna Rev V Nenglian, DS Imphal Div, EBC, Jubilee thuchah Rev Paukhanmang Guite, General Secretary, EBC in nei ding hi. Theihpihna CDSC leh Rev G Kamzamuan, DS Vangai Division, EBC in hunkhakna thumna nei in session masa zoh hiding.

Session 2 sunnung dak 1:00 in planning session hun a zat hidia, hiai a tel ding CDSC member teng, DBDF member teng leh khopi saptuam a BDF President leh Secretary te hiding uhi.

Session 3 nitak biakna kikhop dak 5:30pm in om non dia, Rev Thawndoulian, DS Singngat Div, EBC in thumna nei in, biakna leh phatna BDF Khominthang ten makaih ding. Thilpiak latna Rev M Zalian, DS Thanlon Div, EBC leh phatna lapawl Lamka North Div Choir ten sa ding uhi. Thugenna Rev S Vung Minthang, Director of Ministries, EBC in nei dia, theihpihna hun CDSC in la in Secretary Report a om banah kipahthugenna President CDSC leh program khakna Rev K Kamchinkhup, Director of Misisons, EBC in nei in khawmpi zoh hiding hi.

 
© 2021 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia