General News

Covid-19 toh kisai a kizaksakna poimoh

Evangelical Baptist Convention
Headquarters, Dorcas Hall, New Lamka

To,

All The Divisional/Field Superintendents
Evangelical Baptist Convention
&
All the Chairman/Secretary
TBSUC, EBC Khopi Saptuamte

Thupi: Covid-19 toh kisai a kizaksakna poimoh

Khrist leh a gam adia Seppih itte,

Tulai a khovel pumpi in a buaipih natna hii leng Novel Coronavirus (Covid-19) apan kivenna ding a Central leh State Government in panlakna (precautionary measures) a neihte banah saptuam in leng panlakna ding tampi nei i hi chih te phawk in, tualsung saptuamnte ana zasawnsak ding in i ki zasak hi. (Vide EOM 503rd Thupukna 1,2&5, dated March 23, 2020)

  1. Financial year beikuan a dinglel i hihman in nna poimoh leh kin omte sepna ding in Saptuam Office te khaklouh phot ahi ding. Saptuam nna toh kisai a poimoh leh kin nei ten Office phalou a ahihtheih liai leh Phone/Whatsapp/Email tungtawn a Office thuzak ding duhthusam ahi.
  2. Saptuam programme omsa mipi toh kisukha khempeuh March 31, 2020 tan khawlsak phot ahi dia, maban Government lam apan thu omdan zil a kalsuan ahi ding. Tua toh kiton in March 29, 2020 a Saptuam in thumna neih ding a gel a ompen leng lemtang lou ding ahihman in, mimal/innkuan chih in niteng a innkuan devotion neih hun a, hiai hipi apan Toupa’n i nam leh gam sa-lam leh kha-lam a hon damsak na ding in nakpi in thum ni.
  3. Saptuam member te hiai hun sung a nek-le-tak haksatna tuak omkhak ding patauh huai a kisa hi. Tua toh kiton in, DS/FS leh Khopi Saptuam ten nou Division/Field leh Saptuam sung a tua bang haksatna tuak omleh a na enkai pah a nou level a hihtheih omliai teng a na pilvang a theihtawp suah apan ana la ding in i kizasak hi.

Toupa’ theihlouh a thiltung omlou ahihna ah, Toupa’ khut muanhuai ah kikemsak in (Sam 46:1-7), hiai bang hun haksa i tuah hun in Toupa mah bel chiat ni.

Khrist a noute a,

Sd/- Rev. Paukhanmang Guite
General Secretary

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2020 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia