General News

Kizaksakna

Seppih heutute aw,

I omna chiat uah i nna uh buaipih theilai ihi chih ikithei a kipahhuai hi.

Tulai a khovel in abuaipih Coronavirus toh kisai Government lam in nasa taka public awareness abawl ban uh iva hih beh ding I thei tadih kei hi. I omna mun leh hun zil a saptuam bing in panlak didan leng thu tampi kisuah khia imuta uhi. Huchi ahihman in pilvan siam kan a thilpoimoh a om kei chih ikizasak thak hi.

  1. 1. Hiai toh kisai in EBC School teng khak dia thu suah i bawl ta a, ipanlakna khat ahi Manipur govt thusuah dungzuin.
  2. I lak hong tung leh kikhel hiding ahihman in, avei i om louhlai kiven hunlai tak ahi zawdiam chih in om hi.
  3. Manipur govt leh Center in leng pilvanna ding thusuah tuam tuam anei ta ua, tuate bildoh a zuih theih tan a zuih hoih ding hi.
  4. Italy gama a thakhat a hiai natna hong dalhzak thu izak te'n pilvang kei leng eilak leng hichi thei di hitah e, chih hon ngaihtuah sak hi. Abik in khualgamla apan kizintuah (ei vazin hiam, mi hong zin) chihte pilvan huai petmah asuak hi. Eg. Tunaiin BIIS heututen EBC hong phak di leh CPA ten routine visit hongneih dek uh leng last hour in hon cancelled ua, Delhi a numei Ulian Camp II leng ki cancelled phot hi.
  5. Ei lam etna hing neite adin bel Toupa ah muanna ikoih hi. Tua kawm kawm in mihing tuazah in a thuak nung a pilvanglou taka om chih pen hangsanna tehna hiam Pathian muanna tehna dan a zat a hoihkei ding hi. Kiven theihna Pathian hon piak pen zatsiam chiat sawm ni.

Hiai theihsakna mipi laka hawm ahikeia local tua copy kipia makaiten eimah bial sung leh local chiat a akituahpih kalsuanna I neih theihna dingin makaite kiang’ hong ki pia ahi. Muanluat hiam patauh (panic) luat leng ahoih kei a ei heutute leh Pastor ten ei omna mun chiat a kiven dingdan ina gen zak uh hoih ding ahi chihna toh hiai kizaksakna kibawl ahi.

Jehivah Rafa noute kiang ah om hen,

Sd/-Rev S Vung Minthang
Director of Ministries

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2020 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia