General News

Manipur Mission Field Office Building leh Quarter thak honna

Manipur Mission Field Office Building thak honna tuni January 27, 2020 zing dak 8:30 in office munthak Meitram, Imphal ah Rev. Paukhanmang Guite, General Secretary in Ribbon cutting leh Office building thak honna nei hi.

Hiai hun ah Field Superintendent Rev. S. Thang Johnson in program makaih a welcome address Elder L. Yaiskul gen in Pathian kianga latna General Secretary in nei hi. Office building bawlna toh kisai leh field dinmun Report na Field Superintend in nei in, Upa Joel G. Hangzo, Chairman CMSC in thumna nei in program zou uhi.

Tuazoh in Quarter attach Rev. K. Kamchinkhup, Director of Missions in honna nei hi.

Field toh kisai report:
Manipur a ECC/EBC in meiteite lak ah January 1, 1967 in Upper Lamka ECC Saptuam (EBCC Hiangtam Lamka) te malakna in ana kipan hi. MEBCC chih min nei in August 15, 1989 in Dorcas Hall first floor ah pat hi a, tulel in semtu CCM 7, NRM 20, NCM 8 gawmkhawm 35 (Pastor 5) om hi. Manipur Field sung ah station 23 (Church 13+Fellowship 10) omlel a, Field Supdt. 14 in sem kha ta hi. Biakinn nei lemthei nailou 6 (NTK, Awangjiri, Utlou, Sabantongba, Kwakeithei, Khordak) bang omlai hi.

Office gam JAMABANDHI ah EBC Dorcas Hall, New Lamka, c/o Field Superintendent, MEBC Christian Centre hi a, EBC Hq in kem hi. A gam letdan 74528 acres a lian hi a, tumlam 20ft approach road din kikhen khia hi. Suahlam ah 16ft a lian mah lampi ding a khen khiak hi a, a farm neitu Mr.Sarat Singh in leng ama gam 20ft khen khiak in tun mallam apan tangtak in gamgi pai hi.

Office mun ding leina:
•EBC Hq Sanction: Rs.90,00,000
•Gam man ding a piak: Rs.65,00,000
•Sale Deed, Commission leh Registration: Rs.1,35,000
•Rs.23,65,000 EBC Hq a refund.

Office Building thak bawlna dia sennate:
EBC Hq Budget 2018: Rs.40 lakhs
Supplement Budget: Rs.15 lakhs
Total: Rs. 55 lakh
Architect: S. Nengvanglian
Head Mistry: P.Gingouhau (12lakhs labour chrage dia agreement)
Nasep pat ni: August 18, 2018 in Pukhri ding khuatna. November 8, 2018 in store room (khola) bawl in nasep kipan hi.
Nasep zoh hun: October 2019.

Staff Quarters
Quarter I adia EBC Hq. sanction: Rs.5,00,000+Rs.1,59,318- FWC/GAD a pan piak ahi.
Quarters II adia EBC Hq sanction Rs. 3,50,000+Rs.2,28,465- FWC/GAD apan behlap ahi
Pukhri adia senna: Rs.1,56,690. (Rs.5,44,473-FWC/MEBC in seng phata hi

Tua poimoh kin diakte: Fencing leh Tuisiang dawn ding.

More Photos ++

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: [email protected]
Locate us

MINISTRIES

© 2019 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia