General News

Evangelical Baptist Convention Church Tuitengjang Biakinn thak honna tuni June 14, 2019 zing dak 7:00 in neih in om hi. Biakinn honna Rev. Paukhanmang Guite, General Secretary in nei a, Biakinn latna Rev. V. Thangkhangin, Divisional Superintendent, Lamka North Division in nei hi.

Program hunsung in Upa V.Ginkhenthang in makaih a, program zatsung in mipi lasakkhawmna om in L/Upa Paukhojam Guite in mipi paikhawmte vaidawn in Rev. Paukhanmang Guite, General Secretary in thugenna hun zang hi. Finance Report Upa Paukhokam, Chairman TBSUC, EBCC Tuitengjang in nei in, Chairman DWC, LND in thugenna hun saulou zang in Pastor L. Paukhankhup in thumna nei in program zou uhi.

Tulel in Tuitengjang saptuam Inn 14 leh milip 73 (numei=38 & pasal: 35) phalel ua, Biakinn bawlna ah Rs. 6,86,726 vel bei zou hi.


CEC 286th sitting Thupukna No. 12na dated April 17, 2019 in EBC sunga semtu ding LDA/Jr. Acct., Driver leh Grade IV post 1 chiat 'EBC Nasemtu Contract a goihna Dan -2016 pansan a lak phalna apiak toh kiton in May 27&28 2019 a DPC neih a om in recomment abawlte contract appointment piak hita mahleh Sln 1 na (LDA/Jr.Acct) pen a document lam a chitlahna [EBC RR in angiat bang in] muhkhiak ahihman in DPC in June 7, 2019 in review bawl a etkhiak thak ahihnung in DPC in recomment apiak te appointment piak ahi uh:

1. Lower Division Assistant/Jr. Accountant (Group III/Scale-III)
Pay: Rs. 10,500/- (Fixed) pm
K. PAUZAKHUP
S/o (L) K Khamzathang (EBCC Hebron)

2. Driver (Group III/Scale-III)
Pay: Rs. 10.500/- (Fixed) pm
B. LIANSUANZAM
S/o Upa B. Jamzathang (EBCC Thanlon)

3. Grade IV/Peoon/Chowkidar/Scale-IV)
Pay: Rs. 10,000/- (Fixed) pm
V. PAUSANGMUAN
S/o (L) Ngulzasuan (EBCC College Veng)

NOTE:
Hiai orders suahthak in hiai file mah zang a May 30,2019 a Orders kisuah a supersede hi.


EBC saptuam sunga semtu Contract a Goihna Dan 2016 dungzui a kumkhat sung sem ding LDA/Jr Accountant, Driver leh Grade IV lakna tunin Dorcas Hall ah neih in om hi. Written leh Practical Exam tunin nei ua zingchiang in Personal Interview sunzom non ding uhi. Hiai hun a tel dingte:

Lower Division Assistant/Jr. Accountant (Group III/Scale-III)
1. Vungngaihnem
2. K.Pauzakhup
3. G.Pumdouthang
4. M. Ginmuanthang
5. Sangthiankim
6. H. Thangmuansang
7. Samuel Khuplalson
8. Vungthianlal Thomte
9. Ginsuanlal Singson
10. Phunglalmuan

Driver (Group III/Scale-III)
1. Khaisonmuan Guite
2. B. Liansuanzam
3. V. Tuanchinkhup
4. Chinkhanson
5. Pausuanlal Vualnam
6. K. Thangzagou
7. Th. Khamliankhup
8. Goumalsawm
9. L. Thangsuanlian
10. T. Ginsonmung
11. Zamthianlal Guite

Grade IV/Peoon/Chowkidar/Scale-IV
1. Jamminthang Guite
2. P.Khupzahang
3. V. Pausangmuan
4. Khuplaljem Guite
5. H. Thang Abel
6. G. Kamzamang
7. Thangmuanlal
8. G. Thuambiaklun
9. Thangkhansiam
10. V. Khupsonmuan

Amaute zingchiang (May 28, 2019) zinglam Dak 10:30 a Original Documents kimtak toh Personlal Interview ding a kuan dia theihsak hi uhi.


EBC Headquarter saina in May 21-25, 2019 sung GBC Campus ah Khua Hausa Gospel Camp neih in om hi. Hiai Camp ah Thugentu in Evangelist Upa Lianding Guite leh Evangelist T. Damkhothang te pang in, "Na innkuan om ding dan gel felsak in" Isai 38:1 thupi in zang ua, Camper Hausa 28, VA 8 a vek un 46 lut uhi.

May 21, 2019 nitaklam dak 6:30 in Camp honna Rev. Paukhanmang Guite, General Secretrary in nei hi. EBC Central Chor te makaih in Phatnala sakkhawmna neih in om a, Vaidawn thugen Camp Director, mipi thumkhawmna, Phatna lapawl EBC Central Choir leh Thugenna Rev. S. Vung Minthang, Director of Ministries in nei hi. Camp Secretary akipat thupuan om in tuazoh n Director of Missions Rev. K. Kamchinkhup in Camp honna program khak hi.

Camp hunzatdan tangpi, nikhat in Bible simna eh mimal Devotion hunkhat, sun singpi khatvei, Room Fellowship leh kikhopna 4 vei om hi. Camp hunsung teng Upa Velson (Camp Committee) makaih in EBCC Hebron ah thumkhawmna omzel a mipi hunkhop paikhawm zel uhi.

May 24, 2019 zing dak 6:30 in Camp khakna program zat hi a, tuahun Camp Director in makaih in Camp Secretary akipat report ngaihkhiakna leh mipi thumkhawmna neih in om hi. Thugentute akipat thugenna saulou lou hun zat in om a, Rev. S. Vung Minthang, Director of Ministries in kipahthugenna hun zang in Rev. Gin Malsawm, Director of Social Development in Camp khakna nei hi. Camp hunsung in mi 36 ten kilatthakna nei uhi.

.

.

Prgram & Hunzekna

Camper te leh Camp Committee

x


Evangelical Baptist Convention (EBC) in hiai anuai a bang semtu/post 3 Contract Basis in lak a sawm hi. EBC nasemtu Contract a Goihna Dan 2016 dungzui in kumkhat sung ahi dia, thuneitu ten lungtun huai a sak leh a nasepna uh behlap theih ahi ding.

1. Lower Division Assistant/Jr. Accountant (Group III/Scale-III Post-1
Pay: Rs. 10,500/- (Fixed) pm
Upat Kum: Kum 18-40
Siamna: Graduate, Computer siam
Desirable: Computer Accounting (Tally) experience nei deihbik ahi.
Lak ding dan: Written, Typing, Practical leh Interview

2. Driver (Group III/Scale-III Post -1)
Pay: Rs. 10.500/- (Fixed) pm
Upat Kum: Kum 18-40
Siamna: Class X passed, driving license neih nung kum 3 chingta.
Lak ding dan: Written, Practical leh Interview

3. Grade IV/Peoon/Chowkidar/Scale-IV Post-1
Pay: Rs. 10,000/- (Fixed) pm
Upat Kum: Kum 18-40
Siamna: Class VIII passed
Lak ding dan: Written leh Interview

Kingetna pomsak a omte sapna a tuam a bawl ahi tuan kei ding. Post teng a written test. typing, practical te May 27, 2019, 10:30AM in a om ding. Personal Interview May 28, 2019, 10:30AM in LDA/Jr. Accountant leh May 29, 2019, 10:30AM in Driver leh Grade IV te neih ahi ding.

 Thuchian kimzaw ADVERTISEMENT pek ah a muh theih ding. 

 


Karbi Anglong Field sung a Indigenisation policy toh kisai etkaina nei ding in Director of Missions Rev. K. Kamchinkhup, Missions Coordinator Upa T. Paukhansiam, Chairman CMSC Upa Joel G Hangzo leh Upa Khaipu (Driver) te’n April 26, 2019 in Lamka nusia in zin ua May 3, 2019 in kik nawn ding uhi.

April 26, 2019 (Sintawpni) in Lamka nusia in Diphu zuan in zinkhia ua, Diphu ah tawldam in a zingchiang April 27, 2019 (Kiginni) in Pastor Jacob Rongpi bial- Vaisong Rongkhelan, Tari Adong, Bithilangso leh Basbari a Biakinn, School leh Semtute inn pha uhi.

April 28, 2019 (Nipini) in EBCC Rongchingri ah Rev. K. Kamchinkhup Director of Missions in thugenna hun zang in, Upa Joel G. Hangzo in EBCC Diphu ah hun zang hi.

April 29, 2019 (Seppatni) in Pastor Joel Hanse bial- Dengaon, Paklongkam leh Jiteplong a Biakinn, School leh Semtute inn te phakna nei uhi.

April 30, 2019 (Sepnawnni) in Pastor Manthing Hanse bial- Rongali, New Langrik leh Koilamati a Biakinn, School leh semtute inn vehna nei nawn ua, nitakin Field Working Committee (FWC) te toh kithuahkhawmna nei uhi.

Nilaini (May 1, 2019) in Pastor T. Pauzalian bial- Manja, Hidim Teron leh Nihanglangso a Biakinn/saptuam te, school leh semtute innvehna nei ua, hiaini mah nitaklam dak 4:00 in EBCC Diphu ah Director of Missions in thugenna hun zang in nitak in Bial Working Committee (BWC) te toh kithuahkhawmna hun zang uhi.

May 2, 2019 (Ningani) inleng EBCC Rongchingri Biakinn ah Workers’ Meet nei nawn ding ua, tuahun ah Director of Missions in Seminar paper present in Upa Joel G. Hangzo, Chairman CMSC in hasotna thu gen in semtute dia thumsakna hun leng zang ding uhi.

Huchiin, May 3, 2019 (Sintawpni) in Diphu akipan Lamka zuan in kik nawn ding uhi.

[ MORE PHOTOS ]


 
© 2021 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia