No.EBC/DSD/3(01)/2020: Khovel pumpi buaipih Novel Corona Virus(Covid-19) hiipi ziak in lam tuamtuam ah nawngkaina i tuaktou hi. School tungtawn a Toupa gam nasepna leng ngeina bang a paizom theilou ahihlai in hihtheih dandan a Tutorial Class neihpih dia theihsakna(vide No. EBC/DSD/3(01)/2020 Theisakna Poimoh of June 8, 2020) kibawl zui siausiau a ikitheih man in kipahhuai i sa hi.

Huchi ahihlai in, Zonal Education Officer (ZEO), Churachandpur in District sung a Schoolte’n (SOP/Guidelines thak omma) Commissioner of Education(S) & Director of Education(S) Government of Manipur laisuah zui chiat dia theihsakna hon bawl(vide No. 18/2/2017-ED(CCP) of October 16, 2020) pansan in Directorate of Social Development, EBC nuai a Schoolte ah October 20, 2020 apan thuthak omma School Activities teng khawlsak phot ahi.

Himahleh, Final Examination ding toh kisai a kisakkholhna pen ngeina bang in a pai ding a, thuthak om kei leh Exam leng ahun ngeimah a neih ding a geel ahi. Thuthak om dan zil a kizaksak thak ahi ding.

Sd/- Rev Gin Malsawm
Director of Social Development

DOWNLOAD ORDERS

EBC/MN/4(02)/2020: Election Commission of India in thusuah a bawl dungzui in hongtung ding November 7, 2020 in 60 Singngat Assembly Constituency bye election om ding hi. Hiai kitelna om ding toh kisai in Saptuam mite kiang ah hiai theihsakna bawl ahi.
1. Mipi vaihawmna gam ah sorkal bawlna dingin kitelna a poimoh hi. Hiai kitelna hoihtak leh siangthoutak a neih ahih theihna ding in Eelction Commission in zuihding Mode Code of Conduct kichi dan hoihtak a bawl hi. Hiai dante hoihtak a zuihding India gammi hihna nei kuapeuh mohpuak ahi.
2. Hiai kitelnate ah Saptuam in kuamah guptuam a nei kei hi. India gam mi i hihziak in mipiching khat in vote khat chiat i neih pen khiaklel ding ahi.
3. Mahni vote hilou midang min a vote khiaklouh ding ahi. Misi sa-te vote khiaksak louh ding ahi.
4. Election hun a sum a kizolna, thagum a kivaulauna, mimal deihtelna hilou phutluih a vote kikhiaksak hiam kikhiaksak louh chihte dan kalh a gamtatna ahi a gingtuten hih hetlouh ding ahi.
5. Kitelna dik leh siangthoutak a sai ahih theihna dingin Government in official leh security (sepaih) tampi dan enkaitu ding in koih hi. Amaute chihlouh kuamah kiang ah dan mahni khut a kitawi theihna thuneihna pelou hi. Kitelna siangthou a om theihna ding in amaute kithuahpih ding gingtu mimal chiat mohpuak ahi.
6. Toupan heutu hoih a honpiak theihna ding leh siangthoutak a kitelna sai ahih theihna ding in saptuam miten thumna ah phawk chiat ni.

Toupan hon makaih zel hen.

Sd/-Rev. Paukhanmang Guite
General Secretary

Sd/-Rev. S. Vung Minthang
Director of Ministries

NOTIFICATION
https://bit.ly/31k5AUh

Government in unlock 4.0 a puan toh kiton in Saptuam programme – mipi biakna, nopna leh dahna mun a mipi a tampen a 100 chiang pilvang leh kiveng siamtak a zatpat nawn ding in phasakna Office Memorandum September 21, 2020 a suah ahi (Vide EOM 537th Sitting, Thupukna 1na, September 21, 2020).

Saptuam programme SOPs dungzui a pilvangtak a zangthei i omlai in pilvang zoulou leh ngaihsak hetlou i omlai man in poi petmah hi. Churachandpur District ah niteng in Covid-19 positive case pungtou gige a, hong pungtou lailai ding hi a theih ahi. Huanah, Lamka khopi ah community transmission omta a, Covid-19 hi kithehzak na munpi (hot spot) hong hi ngei ding ahihdan a siamte apan muhkholhna omman in, i maban siatlam manoh ahi chih thei in patuah huai petmah hi. Government in hiai hipi apan kivenna ding a Standard Operating Procedures (SOPs) a bawlte (Face mask, physical distance, hand sanitizers, fan zatlouh, microphone zatkhoplouh etc) lou ngal kivenna ding damdawi (vaccine) om nailou phot ahihman in mahni mimal pilvangtak a kikep poimoh pen hongsuak hi.

Government unlock 5.0 dungzui in October 15, 2020 apan mipi 200 chiang omkhawm theih ding chih himahleh, i tulel dinmun in hon zillou phot ahihman in, EBC Health Care Board te thusuah te poimoh sa in hiai hileng lauhhuai tak kithehzak apan kivenna hi ding in tuni a kipan thuthak omma SOPs hoihtak a zuithei te kia in mipi kikhopna a neih uh pha kisa hi (Vide EOM 540th Sitting, Thupukna 3na, dated October 15, 2020).

Sd/-Rev. S. Vung Minthang
Director of Ministries

Sd/-Rev. Paukhanmang Guite
General Secretary

MEMO
https://bit.ly/3jWcIxw

𝗟𝗜𝗞𝗘 • 𝗖𝗢𝗠𝗘𝗡𝗧 • 𝗦𝗛𝗔𝗥𝗘 • 𝗦𝗨𝗕𝗦𝗖𝗥𝗜𝗕𝗘
YouTube►https://www.youtube.com/ebconline
Facebook► https://www.facebook.com/ebchq
Official Website ►https://www.ebc-india.org

🔵🔴⚪ EBC Media
Evangelical Baptist Convention
Headquarters, Dorcas Hall, New Lamka

Jesu Khrist min a koimun peuh a om ka Tuailai pih te tengteng I Toupa leh Hondampa Jesu Khrist itna toh TUAILAI NI chibai ka hon buk hi. Tuni a BYF DAY zang ding a hong paikhawm Tuailaite leh saptuam mipite kiang BYF Day thupuak ka hon khak hiai ahi.

Tukum in COVID-19 ziakin bangkim dinkhol a hong om in kisakkholna bangin thil kisai leh zat theihlouh in hong om lai in, ka tuailai pih siamsin leh kong tuamtuam a sepna neite bangmah hihtheih nonlouh chi a dinkhol mailou dingin leh thathak la a HANCHIAM thak dingin Toupa min in ikichial thak hi. Khovel ei utdan leh deihdan a paitheilou ahihlai in hon taisan lou leh nuse ngeilou Pathian in hiai bang buaina tungtawn a banghiam sinsak nop leh kawk muh nop om hikha ding ahi.

Eimah omna mun chiat ah Pathian ading in hattak leh hangtak a kal isuan ngam poimoh ahi. Hiai khovel kilamdang jel mah leh eite hinkhua a hon Siampa Pathian in hon deihna leh Amah adia muanhuai a hinkhua zanga midangte a dia hingding a hon lam-etna lamdang ngeilou ahi. Aigupta a kial thupitak a tun lai a humbittu Tuailai Joseph ahi, Gam enkhia mi sawm te a lungkiak lai ua, gamchiam luah ngei ding ihi chia hangsan tak a pang minih Joshua leh Caleb te ahi, Mi 300 toh Midian te zoupa Tuailai Gideon ahi, milim mai a kunlou Tuailai mihangsan Danial leh a lawmte phok thak ni, a naupanna sitlou a hangsan tak a mite makaih Tuailai Timothy ahi, gen ding chi leng gen ding tampi omlai ding, amaute lungsim a ngaihtuah in, unau, nang leng hiai hun a om maimai ding hilou a na hih theih na lamlam a midang te a dinga panpih tu muanhuai isuah khiak hun ahi. Khovel a hoihlouh lai a nang hoihna khovel a na lahkhiak hun hiai bang hun ahi.

Tukum Tuailai Day iki sakkholna bang a zang theilou (azangthei khenkhat om mahleh) himahleng i niteng hinkhua pen Tuailai Day ahi chih phokin eimah omna mun chiat ah pan theih na lamlam ah pangin, eimah mohpuakna bangbang ah muanhuai in ginom tak in pang chiat ni. I hinkhua eimah deihtelna mai a zang lou in Khrist khebul ah kiluikhe thak in itenna khovel leh midangte a dingin Khrist theihpihtu muanhuai leh gah thupi leh manpha suahtu ihih theih chiatna dingin leh Pathian min pahtawina leh thupina I honghih ding lam-etna lianpi toh Pa Pathian, Tapa Pathian leh Khasiangthou Pathian min in DAY thupuak ka hon gelh hi. Toupa’n hon vualzawl chiat hen.

Tuabang hiding in Toupa’n michih hon vualzawl chiat hen aw!

NA VEK UN BYF DAY ZATNUAM.

Khrist a noute a,

Sd/- Rev. V. Thangkhanmuan
Youth Coordinator, EBC

EBCC Vengnuam, Jiribam in tuni October 9, 2020 zinglam Dak 10:30AM in Biakinn thak honna leh Pathian kiang a latna nei uhi. Hiai hun ah General Secretary Rev. Paukhanmang Guite in Biakinn thak honna leh Pathian kiang a latna nei in EBC Central Choir in mipi phatkhawmna hun makaih hi.

Program Detail hiaibang ahi:

Officiating Minister:
Rev. Paukhanmang Guite
General Secretary, EBC

Phatkhawmna Pitu
EBC Central Choir

Ani: October 9, 2020 (Sintawpni)
Amun: Vengnuam, Dibong Khunou, Jiribam

HUN KHATNA (10:30 AM) BIAKIN KONG AH
Hunkemtu:
Upa T. Vumzakham,
Vice Chairman TBSUC

Khuangpu
L/Upa P. Pausiam

Hunpatna:
Upa E. Songlangkhup
Chairman DWC

Biakin Honna & Latna:
Rev. Paukhanmang Guite
General Secretary EBC

HUN NIHNA- BIAKINN SUNG AH
Officiating Minister makaih in DS- Pastor- Upate-Mipi- hichibang in Biakinn sung ah kizuihlut adhiding. Makaite tutma mipi mahni tutna mun a din chiatr ding.

Hunkemtu:
Pastor Khenthang Buansing

Recording Secy:
Pa G. Thawngkhanpau

Biakna leh Phatna:
EBC Central Choir

Vaidawnna & Pulakna:
Upa T. Thangthianmuan,
Secretary TBSUC

Special no:
BYF Vengnuam
EBC Central Choir

Thugenna:
Rev. Paukhanmang Guite
General Secretary EBC

Saptuamte Thumsakna:
Rev, G. Kamzamuan
Divisional Supdt.

Special no:
BDF, Vengnuam
EBC Central Choir

Building Report:
L/Upa G. Thangkhanlal
Treasurer TBSUC

Gift/ Presentation:
L/Upa T. Chinthang
L/Upa G.Vialchin

Kipahthugenna:
Upa N.Khatkhothang
Chairman, TBSUC

Phatkhawmna:
EBC Central Choir

Hunkhakna:
Pastor G. Pauzarual
EBCC Buangmun

No.EBC/GS/01(01)/20: India Government in Covid-19 kithehzak ding venna a lockdown a bawlte awlawl a unlock hon bawl toh kiton in Manipur Government in leng September 1, 2020 apan khahkol (relaxation) bangzah hiam bawl in SOP thak hon suahkhia uhi. Himahleh, tu-le-tu a eilak a Community Transmission om thei ding a batziak in August 17, 2020 a Office Memorandam kisuah pen September 20, 2020 tan zuihtouh lai phasak ahi (Vide 534th EOM Sitting, Thupukna No. 02 of dated 01-09-2020)

Thuthak omkei leh September 21, 2020 apan ngeina bang a Office hon nawn ahi ding. Himahleh, Office kikhak sung a thukin leh poimoh omte kithuzak in a hunhun a sepsuah zel sawm ahi. Toupa’n hiai hipi apan i gamsung hon damsakna ding in saptuam-te nakpi in thum zom toulai ni.

Sd/-Rev. Paukhanmang Guite

General Secretary

𝗟𝗜𝗞𝗘 • 𝗖𝗢𝗠𝗘𝗡𝗧 • 𝗦𝗛𝗔𝗥𝗘 • 𝗦𝗨𝗕𝗦𝗖𝗥𝗜𝗕𝗘

YouTube►https://www.youtube.com/ebconline 

Facebook► https://www.facebook.com/ebchq

Official Website ►https://www.ebc-india.org

🔵🔴⚪ EBC Media

Evangelical Baptist Convention

Headquarters, Dorcas Hall, New Lamka