General News

Evangelical Baptist Convention in Toupa’ nna sem ding mi ginom leh piangthak diktak laksawm a, anuai a kigen chitna neite’n kingetna a piak theih ding:

1. POST GENCHETNA
1.1.Na sepna min: Multi Tasking Staff (Grade-IV)
1.2.Lak ding zah: 2 (nih)
1.3.Honorarium: Rs 10,000/- PM
1.4.Nature of Post: “EBC Nasemtu Contract a Goihna Dan–2016” dungzui a Kum khat (12 months) sung contract a sem ding, a kulna omleh behlap theih ahi ding.

2. KINGETNA DIA CHITNA POIMOHTE
2.1.Laisiamna: Class – VIII passed (Xerox copy)
2.2.Khalam pianthakna kichiantak nei. (Testimony saulou gelh toh thuah ding)
2.3.Kum 18-40 mi ahih ding ahi.
2.4.Omdan leh gamtat/thilchiin a kikem siangthou, tep-le-muan chiinglou mi, chidamna hoih nei, taima leh thumang thei ahi ding.
2.5.EBC Saptuam a Full Communicant member ahih banah EBC thu-up pom a zui mi ahi ding. [Baptisma certificate leh Saptuam recommend na lai thuah ding]2.6.Zi/Pasal neisate sepna mun peuhmah a nupa a paikhawm theilou dingte kinget a kul kei.

3. KINGET DIDAN:
3.1.Kingetna, Bio-data [Contact/Phone No. telin] kimtak a gelh in leh atung a kigen lai poimohte toh thuah in General Secretary, Evangelical Baptist Convention, Dorcas Hall, New Lamka - 795 006, Churchandpur, Manipur, India ah November 23, 2020 3:00 PM tan a muhman dia piaklut ding ahi.

Kingetna pomsak a omte sapna atuam a bawl ahi tuan kei ding. Written Test, November 26, 2020, 11:00 AM leh Personal Interview, November 27, 2020, 11:00 AM in Dorcas Hall a neih ahi ding. Hiai hun ah lampaina, giahna chihte kingentu’ kisen ding ahi.

Sd/-Rev Paukhanmang Guite
General Secretary

Download

No.EBC/DSD/3(01)/2020: Khovel pumpi buaipih Novel Corona Virus(Covid-19) hiipi ziak in lam tuamtuam ah nawngkaina i tuaktou hi. School tungtawn a Toupa gam nasepna leng ngeina bang a paizom theilou ahihlai in hihtheih dandan a Tutorial Class neihpih dia theihsakna(vide No. EBC/DSD/3(01)/2020 Theisakna Poimoh of June 8, 2020) kibawl zui siausiau a ikitheih man in kipahhuai i sa hi.

Huchi ahihlai in, Zonal Education Officer (ZEO), Churachandpur in District sung a Schoolte’n (SOP/Guidelines thak omma) Commissioner of Education(S) & Director of Education(S) Government of Manipur laisuah zui chiat dia theihsakna hon bawl(vide No. 18/2/2017-ED(CCP) of October 16, 2020) pansan in Directorate of Social Development, EBC nuai a Schoolte ah October 20, 2020 apan thuthak omma School Activities teng khawlsak phot ahi.

Himahleh, Final Examination ding toh kisai a kisakkholhna pen ngeina bang in a pai ding a, thuthak om kei leh Exam leng ahun ngeimah a neih ding a geel ahi. Thuthak om dan zil a kizaksak thak ahi ding.

Sd/- Rev Gin Malsawm
Director of Social Development

DOWNLOAD ORDERS

 


EBC/MN/4(02)/2020: Election Commission of India in thusuah a bawl dungzui in hongtung ding November 7, 2020 in 60 Singngat Assembly Constituency bye election om ding hi. Hiai kitelna om ding toh kisai in Saptuam mite kiang ah hiai theihsakna bawl ahi.
1. Mipi vaihawmna gam ah sorkal bawlna dingin kitelna a poimoh hi. Hiai kitelna hoihtak leh siangthoutak a neih ahih theihna ding in Eelction Commission in zuihding Mode Code of Conduct kichi dan hoihtak a bawl hi. Hiai dante hoihtak a zuihding India gammi hihna nei kuapeuh mohpuak ahi.
2. Hiai kitelnate ah Saptuam in kuamah guptuam a nei kei hi. India gam mi i hihziak in mipiching khat in vote khat chiat i neih pen khiaklel ding ahi.
3. Mahni vote hilou midang min a vote khiaklouh ding ahi. Misi sa-te vote khiaksak louh ding ahi.
4. Election hun a sum a kizolna, thagum a kivaulauna, mimal deihtelna hilou phutluih a vote kikhiaksak hiam kikhiaksak louh chihte dan kalh a gamtatna ahi a gingtuten hih hetlouh ding ahi.
5. Kitelna dik leh siangthoutak a sai ahih theihna dingin Government in official leh security (sepaih) tampi dan enkaitu ding in koih hi. Amaute chihlouh kuamah kiang ah dan mahni khut a kitawi theihna thuneihna pelou hi. Kitelna siangthou a om theihna ding in amaute kithuahpih ding gingtu mimal chiat mohpuak ahi.
6. Toupan heutu hoih a honpiak theihna ding leh siangthoutak a kitelna sai ahih theihna ding in saptuam miten thumna ah phawk chiat ni.

Toupan hon makaih zel hen.

Sd/-Rev. Paukhanmang Guite
General Secretary

Sd/-Rev. S. Vung Minthang
Director of Ministries

NOTIFICATION
https://bit.ly/31k5AUh


Government in unlock 4.0 a puan toh kiton in Saptuam programme – mipi biakna, nopna leh dahna mun a mipi a tampen a 100 chiang pilvang leh kiveng siamtak a zatpat nawn ding in phasakna Office Memorandum September 21, 2020 a suah ahi (Vide EOM 537th Sitting, Thupukna 1na, September 21, 2020).

Saptuam programme SOPs dungzui a pilvangtak a zangthei i omlai in pilvang zoulou leh ngaihsak hetlou i omlai man in poi petmah hi. Churachandpur District ah niteng in Covid-19 positive case pungtou gige a, hong pungtou lailai ding hi a theih ahi. Huanah, Lamka khopi ah community transmission omta a, Covid-19 hi kithehzak na munpi (hot spot) hong hi ngei ding ahihdan a siamte apan muhkholhna omman in, i maban siatlam manoh ahi chih thei in patuah huai petmah hi. Government in hiai hipi apan kivenna ding a Standard Operating Procedures (SOPs) a bawlte (Face mask, physical distance, hand sanitizers, fan zatlouh, microphone zatkhoplouh etc) lou ngal kivenna ding damdawi (vaccine) om nailou phot ahihman in mahni mimal pilvangtak a kikep poimoh pen hongsuak hi.

Government unlock 5.0 dungzui in October 15, 2020 apan mipi 200 chiang omkhawm theih ding chih himahleh, i tulel dinmun in hon zillou phot ahihman in, EBC Health Care Board te thusuah te poimoh sa in hiai hileng lauhhuai tak kithehzak apan kivenna hi ding in tuni a kipan thuthak omma SOPs hoihtak a zuithei te kia in mipi kikhopna a neih uh pha kisa hi (Vide EOM 540th Sitting, Thupukna 3na, dated October 15, 2020).

Sd/-Rev. S. Vung Minthang
Director of Ministries

Sd/-Rev. Paukhanmang Guite
General Secretary

MEMO
https://bit.ly/3jWcIxw

𝗟𝗜𝗞𝗘 • 𝗖𝗢𝗠𝗘𝗡𝗧 • 𝗦𝗛𝗔𝗥𝗘 • 𝗦𝗨𝗕𝗦𝗖𝗥𝗜𝗕𝗘
YouTube►https://www.youtube.com/ebconline
Facebook► https://www.facebook.com/ebchq
Official Website ►https://www.ebc-india.org

🔵🔴⚪ EBC Media
Evangelical Baptist Convention
Headquarters, Dorcas Hall, New Lamka


Page 1 of 62

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Locate us

MINISTRIES

© 2020 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia