Thumna Makai | KTZ

Thumna Makai | May 2020

1 SINTAWPNI: Toupa’n kha thak May kha mel hon musak nawn a kipahthu gen in tu kha a Pathian vualzawlna kha ahih theihna ding leh Amah ompihna leh makaihna ngen in thum ni.

2 KIGINNI: Zingchiang in EBCC Dimapur in Missionary Day zang ding ua, huai ah Rev V Thangkhanmuan Y/C in thugenna hun zang ding, thumna in thei ni.

3 NIPINI: EBCC Bethlehem ah Rev K Kamchinkhup in zing leh nitak thugenna hun zang ding, thumna in phawk ni.

4 SEPPATNI: Khovel pumpi a natna COVID-19 ziak in Local, Division leh Headquarters level a Programme kibawl khenkhatte zattheihlouh in om a, Schoolte khak in om ua, maban a Pathian vualzawlna toh hun leh nite manphatak a zang thei ding in thumna in thei ni.

5 SEPNAWNNI: Rev N Thawndoulian Singngat DS in tuni apan zingchiang tan missionary day Songtal EBCC ah hun zatna nei ding, Rev V Thangkhangin DS/LND in EBCC Tuithapi ah Missionary Day zang ding, Rev L Khaikhansong DS/LSD in EBCC Tangnuam ah zang ding uh thumna in phawk ni.

6 NILAINI: Missionary Day leh Dorcas Day EBCC Chennai ah Rev Paukhanmang Guite GS in hun zang ding, Rev Gin Malsawm in EBCC Zion ah, Rev K Kamchinkhup in EBCC Singngat ah Missionary Day zang ding thumna in thei ni.

7 NINGANI: Tuni i gam a Tanchinhoih hong lutni ahih toh kitawn in Pathian kiang kipahthu genni. Hiai tanchinhoih mah michih in hinpih thei ding in Missionary day i zatna tungtawn in Pathian kha siangthou vehna leh hih halh thakna ngen in thumni.

8 SINTAWPNI: Tuni a kipan in Pathianni tan EBCC Bethel ah Rev Gin Malsawm in NUTE Ni zang ding, Rev K Kamchinkhup in EBCC D Leikot ah Dorcas Day zang ding, thumpih chiat ni.

9 KIGINNI: Zingchiang Nute Ni leh Dorcas Day ahih toh kiton in koimun peuh a hiai programme gahsuah leh manphatak a zat ahihtheihna ding in hun zang dingte thumpih ni.

10 NIPINI: Tuni Nute Ni/Dorcas Day ahih toh kiton in Nute Pahtawi in, amaute ziak in Pathian kiang kipahthu genni, Dorcas Co-ordinator Nu Nemngaihmawi in Tonglon P a hun zang ding thumpih ni.

11 SEPPATNI: WEC toh sepkhawmna a EBC in a sawl Missionary mi thumte, khovel a tulai natna ziak a mi a buai mahmah lai un amaute’n masawn thei zel ua, kipah thu gen in thumpih zel ni.

12 SEPNAWNNI: TBCA Arunachal toh sepkhawmna a Music Ministry tungtawn a semtu Unaupa H Thangkhansiam leh a inkuan pihte Pathian in manphatak leh gahsuahtak a zat touh zel theihna ding in thumpih ni

13 NILAINI: Tuni Nineveh Revival Crusade ah Rev K Kamchinkhup in hun zang ding thumna in thei ni. Huan EBC nuai a Music tungtawn a Pathian gam nasepna manpha mahmah Central Choir member leh Music Asst. H Siamkhansang leh Music Committee te Pathian vanzat manphatak hong hihzel theihna ding un thumpih zel ni.

14 NINGANI: EBC Mizoram Division Missions Khawmpi, EBCC Mimbung ah zingchiang apan ni 17, 2020 sung om ding, thugentu in Rev. V. Ginsianthang DS pang ding, thumna in phawk ni.

15 SINTAWPNI: Khovel pumpi natna hipi in hon tuam ahihman in damloute kepna a a matawng a ding gige Doctor leh Nurse tengteng ading in thumsak gige ni.

16 KIGINNI: Manipur a om singtangmi nam tawmchik kuamah phawk thamlouhte Pathian in natna hipi lak ah hon vengbit lai a kipahthu gen ni. Hiai tungtawn a khalam mitvakna, khelhna huatna, Pathian kia belh tintenna a hon tutna ding in thum ni.

17 NIPINI: EBCC Khominthang ah Rev L Khaikhansong DS/LSD in thugenna hun leh sun hun leadership seminar nei ding, tunitak MT-2020 Motivation Programme hun a Rev K Kamchinkhup in hun zang ding, Thumpih ni.

18 SEPPATNI: Covid 19 natna hipi tungtawn a Pathian in amite hon veh ahihdan phawk a khalam halhthakna michih in i muhna ding in thum ni. I khelhnate kipuang in halhna ka ngai, siamthakna ka ngai chi in thum ni.

19 SEPNAWNNI: Tukum in ei programme bawlte leh saptuam programme bawlte kum dang bang a zangthei lou i hih lai in Pathian programme zang i hi zaw. Hiai progamme bawltu Pathian’ deih bang ahia chih musuah ding in kipumpiak ni, thum ni.

20 NILAINI: Tuni a kipan in 24 tan EBCC Bungmual in Papi Kileh Camp nei ding ua Rev Gin Malsawm thugentu in pang ding, Camper, Camp vaisaite leh thugentu dingte thumpih chiat ni.

21 NINGANI: Gamsung vaihawmtute abik in hiai coronavirus hipi thuak a i omlaitak a vaihawmtu a pangte Pathian vanzat ahi ua pilna, theihsiamna, Pathian launa a poimoh mahmah uhi thumsak ni.

22 SINTAWPNI: Zingchiang in EBC Imphal Division sung a EBCC Saptuam teng huap Papi Seminar nei ding ua, Director of Ministries Rev S Vung Minthang in sinsakna hun zang ding. Thumna in thei ni.

23 KIGINNI: Coronavirus pandemic ziak a khovel pumpi paidan kilamdang zouhial ding a a kilat ziak in, Tanchin hoih genzakna hihhat a om a, namchih leh pauchih in Tangthupha a hon zakkim pahna ding un thum ni.

24 NIPINI: Mission field a om i sawlkhiak missionary-te phawk thak ni. Hiai bang hun haksa khovel in atuah laitak a Tangthupha genzakna dia hun hoih leh manphatak a a kizat theihna ding un thumsak ni.

25 SEPPATNI: Pathian in pha asak a hun hoih a hon piak leh Grace Bible College ah sintu ding mi thak lakna June 10 in nei nawn ding hi. Pathian makaihna poimoh mahmah hi thumna in phawk ni.

26 SEPNAWNNI: Tuni a kipan 29 tan EBCC Central Lamka in Camp nei ding, huai hun ah Rev K Kamchinkhup thugentu in pang ding, Camp a tel dingte, Camp vaisaite leh thugentu dingte thumpih ni.

27 NILAINI: Haksatna hipi in a hon tuam ziak in tualsung saptuamte ah khalam gilkial leh dangtak mi tampi om hi. Kemtu Pastorte’n hiai bang hun a sep ding tampi amuh ua a ministry ua chiamteh tham nasepna a neih hun uh a hihna ding in thumsak ni.

28 NINGANI: Khovel khantouhna leh vaihawmna a makaitu a pang gige tumlam gamten covid 19 hahthuak kholdiak uh a bang hi. Atung ua Pathian zahngaihna ngen in thumsak ni.

29 SINTAWPNI: Pentecost Day in EBCC Dorcas Veng ah Rev Paukhanmang Guite GS, NLBC ah Rev S Vung Minthang, Rev Gin Malsawm in EBCC Munhoih ah, Rev K Kamchinkhup in EBCC Vengnuam ah zang ding uh thumpih ni. Zingchiang in LSD sung a Meithaite toh EBCC Dorcas Veng Biakin ah Nu Nemngaihmawi DC in Fellowship hun zang ding uh, a tel ding leh sinsaktu dingte thumpih ni.

30 KIGINNI: Tuni apan zingchiang Pentecost Day nitak tan EBCC Kawlbem ah Rev. V. Ginsianthang in bialveh kawm in thugenna hun vazang ding, i thumpih kawm in, EBC Mizoram Division sung a Pastor omte: 1) Dr Suankhanhau, Mimbung, 2) K. Paulianmung, Kawlbem, 3) PL Ropiang, Teikhang, 4) H. Biaklal, Aizawl thumna ah phawk ni.

31 NIPINI: Tuni kha bei ni tan Toupa’n honpi in, hon makaih man in kipahthu gen ni. Tuni Pentecost Ni ahihtoh kiton in Pathian Khasiangthou in i lak ua athak a vai ahawm theihna ding Pathian kiang ngen in thumni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Locate us

MINISTRIES

© 2020 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia