Innsung Thu | KTZ

Innsung Thu | March 2021

KHAWMPI REPORT:

DIVISION BAPTIST CHILDREN DEPARTMENT KHAWMPI, EBC THANLON DIVISION: Toupa piina leh makaihna toh Baptist Children Department, EBC Thanlon Division in Khawmpi – 2021 nuamtak leh manphatak in January 22-24, 2021 sung EBCC Bukpi ah kizang hi. Rev. M. Zalian Guite, DS, EBC, Thanlon Division in “Ngaihdamna” chih thupi pansan in thugenna hun zang a, Khalam leh Salam hinkhua naktak in hon thathousak in manpha mahmah hi. Pastor Khualmang Naulak in tulai a life Issues challenging mahmah “Naupangte & Social Media”- chih Topic pansan in Seminar nuamtak hun khat hon zat pih a, Pastor Tualthianmung Hangzo in leng “Naupangte & Siamsinna” chih Topic pansan in seminar hun khat hon zat pih hi. Hiai khawmpi hun sung in Indoor kidemna – Lapawlpi, Solo, Bible Recitation, Choreography leh Bible Quiz te om a, Outdoor Games – Football, Dragon Race, Balloon Race leh Blind Target-te om in a paikhawm Naupang leh Heututen nuam kisa mahmah hi. Hiai khawmpi zang ding in Division sung a Naupangte, Heutute leh Pastor paikhawmte mi 205 kiphazou hi...!!

Report petu: Siamzoulawm Valte
Secretary, DBCD EBC Thanlon Division

EBCC Tuilakjang in CES Staff Quarter thak neita:
EBCC Tuilakjang a CES Staff Quarter ding ginatak neilou a hun sawtpi ki-om lai in, kou local hatna a lah lamzou lou a ka om lai un DS EBC Singngat Division panlakna leh kithuahpina ziak in leh EBC Hqtr. te kithuahpihna toh lamkhiak leh luahtheih in omta a ka kipak law mahmah uhi. Quarter honna leh latna DS Rev N Thawndoulian in January 15 zing in hong neihsak a, tuin luah in omta hi. Hiai bang thil thupi hon hihsak Pathian kia in thupina tang hen.

EBC Vangai Division in DBDF Khawmpi 73na zang zou:
EBC Vangai Division sung a Division Docas Khawmpi 73 veina ding EBCC Chingmun ah February 26 apan 28, 2021 sung thupi ‘Ngaihdamna’ chih pansan in nei uhi. Hiai hun in thugenpi in Rev G Kamzamuan DS Vangai Division hi a, seminar paper pitu Pastor Khenthang Buansing leh Pastor G Pauzarual-te hi uhi.

Biakin Thak Honna leh Latna
EBCC Zenhang Lamka in kum bangtan hiam apan ana geel uh, Pathian in tukum a sepkhiak theihna hun lemtang pia in, Biakin-pi a Biakkhawmna ading a a gamla zawdeuh, Tuitha gal lamte, ading Pathian in Biakin pia hi. Vengdangte bang a mi/inn tam luat ziak a Biakin tuan chih hilou in, Pathian in tup-le-ngim poimohtak nei ahih ngei lamet ahi. Lamka North Division in kum 2014 in amun hon na leisak 2020 March kha tawp a LND heutute deihsakna mah toh Rs. 3 lakhs piak in om hi, Pastor Dr. Thangminlun Mangte, Local Pastor, EBCC Zenhang Lamka in June 15, 2020 in ground breaking nei in nasep patngal ahi. Amin ding in Evangelical Baptist Convention Church, Vungkhanthang Veng, Zenhang Lamka kichi hi. Inn omzah: 14, Milip phazah: 80, Full communicant member: 43, Junior/Primary member: 37, Sawm-a-khat pia: 22, MMV (Rs 1500 a pang): 1

Biakna ding a zattheih leh luahtheih ding tan a zoh ahihman in, Dated 5th February 2021, sun dak 12:00pm in heutupa Rev Paukhanmang Guite, General Secretary, EBC in a honna nei in, heutupa Rev V Thangkhangin, Divisional Superintendent, Lamka North Division in a latna nei hi. Huai nitak apan Biakin pen Biakna ding a zat pah ngal ahi.

–Upa V. Kamzagin
Secretary EBCC Zenhang Lamka

KIPAHTHU GENNA
Kou EBCC Mata, LSD in CES-cum-Sunday School Building Extension bawlna toh kisai in, Pathian ban ah EBC Lamka South Division leh Headquarters/Dorcas Hall a heutute deihsakna ziak a bawlzoh a om toh kiton in heutupa Rev. Paukhanmang Guite, GS, in 3rd Feb. 2021 in a honna leh latna hon neihsak hi.

Hiai building zoh siang theihna ding a pan hong lakpih EBC Headquarters/ Dorcas Hall leh Division level a heutute (Lamka North leh South), ban ah Lamka North leh South Division huam sung a om Saptuam chih a Department-te, khotang a heutu i neihte ban ah nu-le-pate, Panpihna Annkuang hong umsakte, tha-le-zung, sum-le-pai, neih-le-lam hong seng khate tengteng tung ah kipahthu ka hon gen uhi. Na sen leh pannate uh Toupa’n aleh tamsem in hon vualzawlta hen!

-Secretary,
CES-cum-SS Building Sub-Committee, EBCC Mata

 
© 2021 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia