Thumna Makai | KTZ

Thumna Makai | November 2018

  1. NINGANI: October kha dam a hon zangsak a, November kha hon muhsak nawn ziak in kipahthu gen ni. CES L/S Division Career Counselling & Motivation, CES Mata ah Nov.1 in om dia, Nov. 2 in CES Khuangkhai L/N Division ah nei ding ua, Rev Gin Malsawm, DSD in makaih ding, thumpih ni.
  2. SINTAWPNI: Nov. 2-4 sung EOC Tribal Colony in Revival Crusade nei ding ua, Evan. Lianding Guite in thu gen ding. Nov. 3 & 4 in Rev B. Chinkhengoupau, C/C in NTBC, Red Cross Road ah Naupangte Ni in thu gen ding thumpih ni.
  3. KIGINNI: Nov 4 Nipini zing Biakna kikhop ah Rev Byongkook Yoo leh a zi Bo In Yoo ten EBCC Hiangtam Lamka ah thu gen ding ua, nitak in NLBC Elim veng ah thu gen ding uh, thumna in phawk ni.
  4. NIPINI: I lak a Anngawl a thumna a pang gigete, amau lemtan dandan a thumna a na pang gigete ziak in kipahthu gen ni. Pathian in amaute Amah deihna bang a a thum theih zelna ding un chidamna leh thahatna ngen in thumsak ni.
  5. SEPPATNI: Nov. 6-11 sung EBCC Mumbai in Hotdamna Camp nei ding ua, Evan. T. Damkhothang in thu gen ding, thumpih ni.
  6. SEPNAWNNI: I louma a buhpalte i lak theih ziak in kipahthu gen in, buh leh haichi dangdang lak ding omlaite leng bittak a i lak theihna ding in thum ni.
  7. NILAINI: Khalui a program tuamtuam i guan a i zattheihte uh ziak in kipahthu gen ni. Tukha a program i guante uleng i zattheihna ding un thumna in phawk ni.
  8. NINGANI: Nov. 9 -11 sung EBCC Buangmun in hotdamna camp nei ding ua, Evan. Lianding Guite in thu gen ding, bangmah daltu omlou a a zattheihna ding un thumpih ni.
  9. SINTAWPNI: CES ten tukum ading in Evangelistic Week zatna zouchiatta ua, naupang 100 bang piangthak om in, tampitak kilanthak om, Pathian kiang ah kipahthu gen ni.
  10. KIGINNI: Nov. 11 nitak in Rev Paukhanmang Guite, D/Mn in EBCC Tangnuam ah thu gen ding, thumna in phawk ni. Zingchiang in Nipi Skul exam om ding, buaina omlou a i exam theih chiatna ding un thum ni.
  11. NIPINI: Kumsim khawmpilian ding toh kisai kisakkholhna pailel, vaisai ding heutuliante, Dorcas Hall Staff te leh mun tuamtuam apan Palai hong paikhawm ding uh, buaina omlou a khawmpi zat ahih theihna ding in thum ni.
  12. SEPPATNI: Tukum kumsim khawmpi ah Sawltak 5, Pastor interview process a omlelte, lohchingtak a hong paisuak theihna ding un thumpih ni.
  13. SEPNAWNNI: EBCC Vengnuam in Papila Camp, Gilead Tlang, Kawnpui ah Nov. 13-18 sung nei ding ua Evan. T. Damkhothang leh Rev. B. Chinkhengoupau C/C ten thu gen ding uh thumpih ni.
  14. NILAINI: Nov.15 nitak in BYF Lamka South Division in Praise & Worship Nite zang ding ua, Evan. Lianding Guite in Biakna makaih ding, thumpih ni.
  15. NINGANI: Nov. 16-18 sung Thanlon Division in Dorka makaite, Ordain-te leh Workerte zite Seminar nei ding ua Miss Liankhoman, D C leh Miss Dimzangai, President CDSC ten sinsak ding uh, thumpih ni.
  16. SINTAWPNI: I Saptuam in sum saidan thak i zat toh kiton in haksatna tampi om mahleh Pathian makaihna toh sumsaite’n a theihsiamlouhte uh sintou zel in, amaute sinsak thei ding Head Quarters a Account lamte a om ziak un kipahthugen in thumpih zel ni.
  17. KIGINNI: Nov. 18 in EBCC Zenhang Lamka ah Rev V. Thangkhangin, Director of Missions in “Khristian Inkuan” chih thupi a nei in sinsak ding, thumpih ni.
  18. NIPINI: I gam ah Khristian kichi a Jesu nungzuitu chitaklou leh thutaklou tam hiaihiaita Khrist nungzuitu muanhuai i hong hihtheih zelna ding un thum ni.
  19. SEPPATNI: I nekzonna tuamtuamte uh; lou nasepna, sumdawnna, nithaloh a sepna, ganvulh leh khoi, bazar a meh leh atuamtuam zuakte, nithaloh theihna tuamtuam a kiloh-a semte Pathian in hon vualzawl sak zelna ding in thumna in phawk zel ni.
  20. SEPNAWNNI: Nov. 21-25 sung EBCC Central Delhi in Naupang Chialpi nei ding ua, Rev B. Chinkhengoupau, C/C in thu gen ding. Nov. 21 in Evan. Lianding Guite in Ninevi Revival team makaih a thumna hun ah thu gen ding, amaute thumpih ni.
  21. NILAINI: Nov. 22-25 sung EBCC Chandigarh in hotdamna camp nei ding ua, Evan. T. Damkhothang leh Evan. Lianding Guite in thu gen ding thumpih ni.
  22. NINGANI: Lou nasepna tungtawn a gah kipahhuai i muhte ziak in Pathian kiang ah kipahthu gen ni. Semtute’n a poimoh bang a septheih zel na ding un chidamna leh Pathian vualzawlna ngen in thumpih zel ni. Miss Liankhoman DC in EBCC Vengnuam ah zingchiang in thu gen ding, thumna in phawk ni.
  23. SINTAWPNI: Saptuam skulte’n November 26- Dec.1 tan Final Exam nei ding uh, kuapeuhmah in chidamtak a a exam theih chiatna ding un thumpih ni.
  24. KIGINNI: DORCED Project nuai a Puankhui zilte paihoih zel a kipahthu gen in amaute’n hoihtak a hon ziltheih zel ua midangte adia vualzawlna hong hithei ding khop a a hong siam theihna ding un thumpih ni.
  25. NIPINI: India Government nuai a Department tuamtuam a sepna a lian leh a neu a semtute ziak in kipahthu gen ni. A sepna mun chiat ua ginomtak a Pathian pomtak a hong hih ua, a seppihte leh midangte adia vualzawlna ahihtheih zelna ding un thumpih ni.
  26. SEPPATNI: WEC, IMM Shillong a Candidate Orientation a training lel Mr. N Thangbiakmuan, Miss Angela Lunhoih leh Miss Zamhoihkim ten lamzangtak in training nei zomzel uh, kipahthu gen in, lohchingtak a hon zoh theihna ding un thumpih ni.
  27. SEPNAWNNI: India Sepaih tuamtuamte leh Zogam sepaihte amau omna mun chiat a Pathian ompihna toh Pathian phawkkawm a na a sep theih zelna ding un thumpih ni.
  28. NILAINI: Nov. 28 – Dec. 2 tan ESC Chiengkonpang in numei hotdamna camp, Jacob Taona Mual ah nei ding ua, Evan. T. Damkhothang in thu gen ding thumpih ni.
  29. NINGANI: Khamangthangte itna ziak a mun tuamtuam a Tangthupha gentute ziak a kipahthu gen in amaute Pathian itna koppih a midangte itna toh a septheih zelna ding un thumpih ni.
  30. SINTAWPNI: Tukha tawp dam a hon muhsak ziak in kipahthu gen in December kha sung buaina omlou a i zattheihna ding un thum ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC