July 2018

1. NIPINI: Pathian in khathak dam a hon pikai nawn ziak in kipahthu gen ni, Amah pina mah a tukha damtak a i zat theihna ding un thum ni. Tuni EBCC Mualnuam Centenary program ah heutut pa Rev Vung Minthang, G/S in thu gen ding thumpih ni.

2. SEPPATNI: EBC Evangelist Teacher thumte’n June 25 apan a Delhi Tour a neih uh July 5 tan nei lai ding uhi. Damtak a innlam hong tunkik theihna ding uleh, a vamuh leh theihte uh Naupangte sinsakna phatuamtak a a zattheihna ding un thumpih ni.

3. SEPNAWNNI: L/S Div in July 4-5 sung Worker Seminar, Catholic Centre Imphal ah nei ding Rev S Vung Minthang, GS in thu gen ding thumpih ni. EBCC Zion BDF in July 3-8 sung Tualsung Dorka Khawmpi leh Siamthak nawnna chialpi nei ding ua Evan. T Damkhothang in thu gen ding amah leh a teldingte thumpih ni.

4. NILAINI: Singngat Division in BCD Khawmpi EBCC Singngat ah July 5-8 sung nei ding ua Rev Chinkhengoupau C/C in thu gen dia midang 5 ten sinsakna pe ding uhi. EBCC Bethel Baptist Lailam Veng in July 5-8 sung Revival Crusade nei ding ua Evan. Upa Lianding Guite in thu gen ding, hiai programte thumpih ni.

5. NINGANI: Convention English School (CES) te summer vacation zang lel ua July 9 in lutnawn ding uh Naupangte leh heututen’ damtak a maban a sutzop siausiau theihna ding un thumpih ni.

6. SINTAWPNI: Zingchiang July 7 in Imphal Division in Doctrine kisinsakna nei ding ua Rev Paukhanmang Guite, Director of Ministries in sinsak ding amah leh a tel dingte thumpih ni.

7. KIGINNI: July 10 -14 sung, EBCC G Mualkawi in BYF Hotdam chialpina Camp nei ding ua Evan. T Damkhothang in thu gen ding amah leh a teldingte thumpih ni.

8. NIPINI: July 10 -12 sung, CES Khazang in Evangelistic Week zang ding ua Evan. Upa Lianding Guite in thu gen ding thumpih ni.

9. SEPPATNI: Mizoram, Singngat leh Thanlon Division sung a EBC Workerten July 10 & 11 in EBCC Sinzawl ah EBC Workers’ Fellowship nei ding ua, General Secretary leh Director-ten sinsak ding uh. Program manpha leh gahsuah ahihna ding in thumpih ni.

10. SEPNAWNNI: Mr V Biaklal in Philippines ah Music sin a buaina omlou a lamzang tak a hon zoh theihna ding in thumpih in inn a a nutsiat a inkuanpihte leng thumna in phawk ni.

11. NILAINI: I gam a Tribe makaitu tuamtuamte, Zogam adia kipia Pawlpi makaite leh nam sepaihten Pathian deihna bang a na hon septheih zelna ding un thumpih ni.

12. NINGANI: Lamka South Division in July 14 in Ministerial Committee Seminar nei ding ua Rev Paukhanmang Guite, Director Mn in sinsak ding amah leh a tel dingte thumpih ni.

13. SINTAWPNI: EBCC Zenhang Lamka in July 14 -15 in chialpi nei ding ua hiai hun ah Rev Gin Malsawm Director SD in thu gen ding, amah leh Zenhang Lamka Saptuamte thumpih ni.

14. KIGINNI: EBCC Lamphel in zingchiang July 15 in Haithak lawm ding ua Evan. Upa Lianding Guite in thu gen ding Program lohching leh gahsuah ahih theihna ding in thum ni.

15. NIPINI: Zingchiang July 16-17 in Lamka North leh South Division sung a EBC Workerten’ EBCC Hebron ah EBC Workers’ Fellowship nei ding ua, G/S leh Directorten sinsak ding uh. Program manpha leh gahsuah ahihna ding in thumpih ni.

16. SEPPATNI: July 17 – 26 sung, WEC/ IMM ten Annual Conference Da Nang, Vietnam ah nei ding ua heutute Rev Thangkhangin, Director Ms leh Rev Gin Malsawm, Director SD te vatel ding uh thumpih ni.

17. SEPNAWNNI: Government nuai a semtu tuamtuam pension tan a sem thei i neihte ziak in kipahthu gen in, pension nung nangawn a leng manphatak a a kizattheih zelna ding un thumsak ni. EBCC Hebron in July 17 - 21 sung Makai Camp nei ding ua, hiai hun ah Evan. T Damkhothang in thu gen ding, amah leh a telding mipite thumpih ni.

18. NILAINI: Worldwide Evangelization for Christ (WEC) / International Mission Mobilization (IMM) te toh apoimoh bang a semkhawm ding a MOU sign kibawl khinta ahihman in, Pathian gam nasepna tangzaizaw sem a i sep theihna ding a kibulphuhna ahihna ding in thum ni.

19. NINGANI: Damlouhna ziak a ki-enkol Evan. Manzarual Karbi Anglong leh Pastor Thangbiakmang Demaji Mission Field ten nasep pannawnta ua kipahthu gen in hong damsiangna ding un thumpih ni.

20. SINTAWPNI: Trinity Center, Pearsonmun ah Home Revival Crusade a 14veina, July 23-25 sung nei ding uhi. Evan. G Pauzarual in tanchin hoih gen ding, lohching tak a zat ahihna ding in thumna ah phawk ni.

21. KIGINNI: Kum nawn Piching Sunday School zillai ding Nasepte Laibu Hilhchetna Rev K Kamchinkhup, DS Imphal in gelhlel a Pathian kithuahpihna toh Laisiangthou a Pathian tup leh geelte ahihna bang a hon suikhiak theihna ding in thumpih ni.

22. NIPINI: BCD Hqtr saina a Local Child Evangelist Training June 11 - 17 sung GBC a kinei lohchingtak a zoh ahihman in kipahthu gen in, sintuten a sinte uh phatuam tak a a zattheihna ding un thumna in phawk zel ni.

23. SEPPATNI: Rev N Pumsuanmung, M.Th. sin ding in ECA/ETS, Hosur, Tamil Nadu ah June 27 in kuanta hi. Chidam leh buaina omlou a hoihtak a ava sin theihna ding leh a nutsiat a zi leh tate leng bangmah buaina omlou a ana khosak theih zelna ding un thumna in phawk zel ni.

24. SEPNAWNNI: Ebenezer Academy in July 25 - 27 sung Student Evangelistic week nei ding ua Evan. Upa Lianding Guite in thu gen ding, Naupangte leh heututen a vek ua Khalam vualzawlna a tantheihna ding un thumpih ni.

25. NILAINI: EBCC Zoan Phailian in July 26 - 29, Hotdamna chialpi nei ding, Evan. T Damkhothang in thu gen ding amah leh Zoan Saptuamte thumpih ni. Chialpina a kizang numei leh pasal mi tuamtuam Pathian in hon piak ziak in kipahthu gen in amaute thumna in phawk zel ni.

26. NINGANI: EBC sung a Semtu khenkhatte amau damlou bang, khenkhat a inkuanpihte uh damlou a kienkol chih ding om gige sim hi. Mission Field leh i lak a Semtute leh a inkuanpihte lak a chidamna hoihtak toh a septheih zelna ding un thumpih ni.

27. SINTAWPNI: Singtang leh phaizang a i loumate ua kipan a i khut nasepgim gahte uh alak hun a bit tak a i laktheih chiatna ding un Pathian venbit sakna ngen in thum ni.

28. KIGINNI: Tulai Khristiante lak ah Pathian laulouhna leh mulkimna neilou a gamtatna tam gawpta thugentute, thumtute leh mipi vantang akua akua i hihkhelhnate uh kimu a Pathian lam i ngat thak theih chiatna ding un thum ni.

29. NIPINI: Zingchiang July 30 - 31 in Imphal leh Vangai Division sung a EBC Workerten EBCC Paite Veng Imphal ah EBC Workers’ Fellowship nei ding ua, G/S leh Directorten sinsak ding uh thumpih ni .

30. SEPPATNI: I saptuam in mun tuamtuam ah building lamna pailel bangzah hiam kinei a, tuate lohchingtak a zoh ahih theihna ding in, a enkai tute leh nasemtute liam le bai kuamah omlou a zoh ahih theihna ding in thumpih ni.

31. SEPNAWNNI: July kha tawp damtak a honpi ziak in kipahthu gen in, khathak Pathian ompihna toh damna hoih zawsem toh i zat theihna ding un thum ni. Inkuan khosakna ding khualna ziak a semtu khat peuhpeuh in a sepna lam chiat ua khaloh lak hun a a lak pahpah theihna ding un thumna in phawk zel ni.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC