Innsung Thu | KTZ

Innsungthu | Sept.2018

KHALOH LAK MASAKPEN PIA UH –
• Mr. K. Paubiaklal, S/o K Thangchinlian & Nu Ngailianching-te tapa EBCC Zion a om in BSF a SI (Sub-Inspector) nna muthak hi. Pathian gam nasepna ding in a khaloh lak masakpen EBCC Zion Local Saptuam ah pia hi.
• Mr. S Thanghausiam s/o S Chinzalal Ngaihte, NLBC in Corporation Bank ah P.O sepna mu a Pathian tung a a kipahthu genna in a khaloh lak masak pen NLBC Mission Committee ah pia hi. Pathian in amaute tamsem in vualzawl hen.
• Mr. V Khuptanlian s/o V Jamkhanson, EBCC Zenhang Lamka in CISF ah SI sepna mu a, Pathian tung a kipahthu genna in a khaloh lak masak pen EBCC Zenhang Lamka ah pia hi.
• S Thiaukhanson c/o S Gouchinthang EBCC Bethany, Zoar Veng Bungmual in Manipur Rural Bank a sepna a muh Pathian kiang a kipahthu genna in a khaloh lak masakpen saptuam ah pia hi.
• Miss Niangthiannem d/o Zamthanlian, EBCC Vengnuam in Staff Nurse muthak a Pathian tung a kipahthu genna in a kha lohlak masak pen pia hi.
• Miss Vungngaihlun d/o (L) T. Thangzalam, EBCC College Veng, New Lamka in Assistant Professor, Govt. of Manipur nuai ah sem a, a khaloh lak masakpen Pathian gam nasep nadi’n a omna saptuam ah pia hi.
• Mr G. Dingnunlal s/o G Lianchinthang, EBCC Zion New Lamka in Police Department ah sepna mu a khaloh lak masak pen Pathian gam nasepna ding in a omna saptuam ah pia hi.
• Mrs Chinglianmawi w/o MK Joshua Guite in Manipur Govt. nuai ah Asst. Professor nna mu a Pathian tung a kipahthu genna in a khaloh lak masakpen EBCC Zion ah pia hi.
• Mrs Kambiakkim w/o Thanglalmuan Hauzel, EBCC Zion Veng in Govt. of Manipur nuai ah Lecturer sepna mu a, a khaloh lak masak pen Pathian gam nasepna ding in a omna saptuam ah pia hi.

KIPAHTHU GENNA
1. CES Thanlon kipahthu: Kou CES Thanlon in EBC HQ. panpihna leh Thanlon Veteran-te huhna pansan in School tuang kise mahmah ka na bawl ua, tuin School tuang nuamtak leh hoihtak neita ka hihman un ka kipak mahmah ua ka kipahna thu uh KTZ ah kon taklang uhi.
2. EBCC Palkhuang kipahthu: Kou EBCC Palkhuang in hun bangtanhiam a pat a Pastor Qtr. lam ding ka na geel uh himahleh kou kia a lamzoulou ka hihman un, Hqtr a heutute leh Thanlon DS in pan hon lakpihna ziak a zou in May 19, 2018 in Thanlon DS, in honna leh latna hon neihsak hi. Hiaitan tunna dia pan hon lakpihte tung a kipak petmah ka hihman un, ka kipahna thu uh KTZ tungtawn in ka hon taklang uhi.
3. CES Buangmun kipahthu: CES Buangmun Staff Quarters lamna heutute panpihna leh Tualsung saptuam in a tha mahmah seng a a lam uh zousiang ta uhi. A Honna leh Latna July 9, 2018 ni in Rev. T. Lalzagin, DS in nei a Evan. Teacher E. Khailianthang, Headmaster in kipahthu genna nei a Pastor B. Kamkhansawm in Pathian kiang a kipahthu genna leh Ankuang latna nei in TBSUC, TBDF leh LSC ten ankuang sawkkhawmna nei uhi.
4. CES Bukpi Bethel kipahthu: Thanlon Division Office ten a type writer zat lui uh Bukpi Bethel Convention School-te zat ding a a piak ziak un kipak mahmah ua a kipahthu uh KTZ ah taklang uhi.
5. Upa Paukhothang kipahthu: Hun sawtak Upa Paukhothang damlou a om EBCC Singngat Dorka Pawl in phawkpih in panpihna Rs. 3,000/- apiak ziak ua kipak mahmah in a kipahna thu KTZ ah hon taklang hi.
6. EBCC Behiang T kipahthu: EBCC Behiang T in School kiselua, a baang vangte hukna ding Sylpouline leisak dia HQ. a ngetna a bawl uleh heututen awlmohna leh deihsakna lianpi toh Building thak lamna ding pia ua, lamzouta uhi. Building thak lam zoh ahih toh kiton in July 7, 2018 1:00 pm in Rev. Gin Malsawm, Director SD in honna nei hi. Rev. Kamzamuan Guite DS leh DWC Chairman Upa Thangzadal-ten leng va uap ua Behiang T te kipak mahmah uhi. Amau a kipahnathu uh KTZ tungtawn in taklang uhi. Toupan Thupina tang hen.
7. Bukpi CES kipahthu: Bukpi CES in School building thak hun bangtan hiam apan a lam uh zouta in tuin building thak ah kaita uhi. School building a window nuai chiang teklei a lam hi a, a tunglam teng maupek, a tuang teng cement a zut ahi. Van zat ding White Board 10, TV - 1, PA sound box-1, Printer -1. Hiaite ban ah, Staff quarter a di, Sintex 2, leh water filter 2 piak in om ua, kipak mahmah uhi. Hiai bang deihsakna a tan ziak ua Pathian tung leh heutute tung ah a kipahna uh KTZ ah taklang uhi.

Nasepna apan retire-ta: Evan. Teacher M Thangkhanpau in Convention School ah September 1 ,1983 apan na sem pan in August 5, 2018 in EBC dan dungzui in a taksa kum 65 a chin toh kiton in pension ta hi. Rev. Thangkhangin, Director of Missions in Dorcas Hall staff-te’ Devotion ah amah leh a zi ading in thumsakna nei hi.

EBC Studio leh Coordinators Room honna kinei: August 9th 2018 in EBC Studio ding leh Co-ordinator-te Room dia bawl a om heutupa Rev. Vung Minthang, GS in honna leh latna nei hi. Hiai studio pen hun sawtpi akipan i poimoh, adiak in Tuailai Lapawl leh mimal lasa mite adia music toh kisai a sound track bawlna mun poimohtak ahi. Pathian min thupina ding a tuailai khangthak hong om lai dingte dia thil phatuam mahmah ding a lamet ahi.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC