Innsung Thu | KTZ

Innsung thu (November 2017)

CES Thanlon Kipahthu – EBCC Convention English School a semtute quarters a bathroom leh toilet siate bawlthak tuak mahmah amau neihsa kia a ahihzoh louh uh heutute panpihna ziak a bawlthak zoh ahih ziak in kipak mahmah uhi. Huan zoudawn a naupangte laisimna ding meivak gina neilou leh laihilhtu ding mumal leng omloute khualna in Community Development Society (CDS) ten CES pansan in Community Resource Centre Thanlon ah (CRCT)/ Study Centre hon sak uhi. Hiai ading meivak a piak ban uah teacher 2 leng goihsak uhi. Kum khat chingta a nu le pate dawnzang petmah in naupangte’n leng phattuampih mahmah uhi. Huai ziak in, Thanlon CES in KTZ tungtawn in kipahthu hon taklang uhi.

Kipahthu Genna: Mr. Phungsuan, Shillong a om in Kanaan Veng New Lamka ah Inn lamthak a, Bhara a muh masak pen Pathian Gam nasepna a zat ding in local saptuam ah pia hi. Huai ban ah, Kanaan veng mah aom, Pa Suanthang in Malta lei a bawlna ah azuak masak pen a a muh zah Rs. 2,850/- Missionary vakna a ding in EBCC Kanaan ah pia hi.

BYF, EBCC Lamphelpat, Imphal ten LRRC nasepna leh Lametnamun a kikemte awlmohna ziak leh amaute toh hun zatkhawm lunggulhna ziak in October 2, 2017 in vehna nei uhi. Amau taksa kia mai a veh lou in Pathian thu manpha tak leh itna thilpiak Antang Bag 2, Dal Bag 1, Volley Ball leh Net ban ah kisilna Sahbon 15 pia uhi.

Loh lak masak pia: EBCC Dorcas Veng apan Mr. M. Paununlian s/o M. Ginsuanthang in Canara Bank PO muthak a a loh lak masak penpen Pathian Gam nasepna ding in TBMC khut ah pia hi.

Camp Lohching: EBC Gundung Pastor Bial in Nupi leh Papi Hotdamna Camp, October 5-8, 2017 sung G. Gamphajol ah nei uhi. Camper 82 lakah 20 vel in Hotdamna a tan ban ah, adangten thupukna thak toh Pathian ah kipahna nei chiat uhi. Hiai Camp a ding a DWC, LND in sumsen tengteng piaksak ban ah thugentu Khenthang Buansing tung ah leng kipak petmah ahihdan uh KTZ ah taklang uhi.

Singngat BYF kipahthu- EBCC Singngat BYF Golden Jubilee leh BYF Day October 12- 15, 2017 sung “Khrist Lamtouh Tuailai” (Kol. 2:7) chih thupi zang uhi. Thugentu in Rev. S. Vung Minthang, GS leh Rev. N Pumsuanmung, YC zang uh a, Jubilee suang leh Jubilee Souvenir honna leng nei uhi. Mr. Vungzamuan Valte, IRS in Jubilee Souvenir sponsor a, Mr. Suanchinpau, MDC in Jubilee suang sponsor hi. Mr. T. Khaipau in Antang 15 bag, ban ah mi tuamtuam tampiten sum leh van tuamtuam thoh uhi. Hiai tengteng ziak in BYF Singngat kipak law mahmah in a kipahna thu uh KTZ ah taklang uhi. 

 

© 2017 Evangelical Baptist Convention. All Rights Reserved. Designed By EBC