BYF, BDF, BCD Corner | KTZ

CHILD EVANGELIST TRAINING CAMP REPORT

2018 Year Plan a kiguang bang in, Local Child Evangelist dia appointment kipia sinsaktute ading in Training Camp, Headquarters in kigeel hi. Division teng huam a sai zoh ahih nai louhman in, amasa pen ding in Lamka North, Lamka South, leh Imphal Division sung te huam in Child Evangelist Training Camp, June 11 apan June 17, 2018 sung Grace Bible College Campus ah kinei thei hi. Hiai toh kisai anuai a bang in report tomkim ka hon bawl hi:

Hiai Training Camp ahihleh Child Evangelism Fellowship (CEF) te’ Training Course “Teaching Children Effectively-Level 1” curriculum zang a sai ahi. Hiai Training Course in a tup pipen ahihleh Naupangte’ Hotdamna Thu Sinsak Ding Dan ahi. Hiai camp ah Trainer ding in CEF apan Trainer 8 leh CEF Education Director 1 hong kuan uhi. CEF Trainer te lak ah GBC Graduate Ms. Nemthianhoih leng tel hi. Amaute ban ah, mentoring session Evan. Lianding Guite in hong zang zel hi. Child Evangelist 54 hong tel dia lamet lak ah 18 hong lut thei uhi. Amaute’ ban ah mahni lunglutna a hong lut mi 8 om a, a kigawm in Trainee 26 pha hi. Nikhat in dakkal 9 sung training class kila zel a, dakkal khat sung mentoring session kinei zel hi. Tua ban ah, Trainee te’n nitak teng in dakkal 3-5 kikal sung assignment hih khawm zel uhi. CEF apan Training Materials bukim tak in kingah a, tuate Trainee te kiang kia ah piak ahi hi. Camp hunsung a damlouhna leh buaina bangmah omlou in Trainee teng in lungtun huai tak in training zousuak uh a, Live Practicum nga (5) a zoh chiang un CEF apan certificate ngah ding uhi. Trainee te apan review kipah huai leh thathoh huai taktak kingah a, mailam a kalsuanna di te ah phatuam mahmah leh gahsuang ngei dia lamet ahi. Trainer te’ kipiakzohna leh Trainee te’ lunglutna phathuai ahihdan leng hiai ah kahon taklang ngal hi. A bul ahon patpih mah bang in, i biak Pathian in manpha tak in hon zohpih a, 17th June zingkal dak 10 in GBC campus damtak in kinusia hi.

Training Camp a tel dia hongkuan Child Evangelist leh mahni lunggulhna a hong telte, a ai-oh uh Local BCD leh saptuamte, Trainer-te, GBC heutute, hiai hunsung a neek-leh-taak hon sai sakte, mohpuakna kipia bang a hon semkhia sinsaktute, camp sai theihna ding a phalna leh apoimoh bangkim hon ngaihtuah sak heutute tungtawn a kisemkhia tengteng tungtawn in i biak Pathian thupina i pia hi! Saptuamte’n training zousa sinsaktute a manpha thei pen a i zat chiat uh lamen mahmah in deihsakthu ka hon khak hi.

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC