Articles | KTZ | EBC

Vualzawlna hihna ding in lampi haksak pai ngai

(Gen. 12:3)

Thumasa: Diktatna a kilamthakna kum 2 thupi in i neita ua, i kilamthak ngei uh lametna toh kum 2018 apan kalsuan ding i hihman in Pathian in ‘Kuapeuh in hon zuih a utleh amah kimangngilh a a Khros pua in hon zui hen, chih bang in nungzuihna nasep tuh Khros in hon delhkhum zoh a ngai. Thilnuam chiam masa lou a nagik lungluthuai loupi in sam/chial ahi chih theihsa ahi. Khros puak kon puakpih ding chileh tuh gengen ngai nawnlou ding ahi.

1. Lampi haksa tawnlou in mite adin vualzawlna i Laisiangthou sung ah kimu lou hi. A haksa i tot a phal a, a deih leng ahi. A masapen in Jakob nam 12 suangtu dingpa Toupa’n haksatna tampi palsuak sak hive aw. A pupa Laban mi genhak tak toh sutuah in loh thu bang ah khem in hong-om a, 10 veitak hihlamdang in om hi. Ei hileng 5 vei tan aleng a gante hihmang/zuakmang a kihetkha nawnlou di i hi. Toupa’n hoihsa a a thuakdi lemsa ahi dia, a pa khem a a U Esau vualzawlna suhpa haksatna skul ah khum hi (Gen. 31:37-42). Haksa i tuahleh a nop a nai chih paunak a i neih bang in haksatna zeetna palsuakpa Jakob Israel nam 12 te pa hong hithei hi.

2. Aban ah Joseph leng a uten Potiphar inn a ginom tak a a sep lai in ama ziak in a pupa’n vualzawlna dong hulhul khop a omlai a pu zi in enlah ta hi. A ginom man suangkulh tan kholoh hi. Ei hile pawt hunhun chiah chidi chi aw. Toupa, nang dia ka ginom lohtak hiai suangkulh sung maw? kichi dingdan ahi. Himahleh a Pathian tung ah a phun kei a, a thuak mualsuah hi. Israel-te pa hongsuah theih nang in Pathian vaihawm dan theihsiam haksa ahi.

3. Sawltak Paul thuak ngaihtuah mahdih midangte adia vualzawlna ahih theihna din midangte sang in a thuak tamzaw (2 Kor. 11:23-33). Sih lauhuaina tamveipi tuak a Judate vuakna khatvei a 40 chinglou 5vei ka tuaka, 3vei chiang a khet, suang a den leng ka tuaklai a, hiaiban ah a thuakteng gen kei leng le a thuak tampenna midangte a ding a vualzawlna hong hithei pan hive aw.
4. Danial 3:19-6:10-23 simkhawm le zattak taktak ding a hong hihna tuh Sakeibaknei kul a apaihlut tan tun ngai eive. Sadrak, Mesak leh Abednego te meipi sunga paihlut ngai eive. Khalam a vualzawlna dongte haksatna tuah tomchik hon ngaihtuah zual dih! Ginom sep taktak ngai eive maw. Pasalte omlouh kal a pasal zong ngal thei himah lechin hon mu khat om ahi. Hon chiamteh khat a na om ahi chih thei in. Khovel a utna toh mangkhawm kei ni. DL Moody in Laisiangthou na sim gige leh khelhna a pan gamla tak ah hon koih di a chi. Aban ah lampi haksa mahleh palsuah mateng vualzawlna miten tanglou ding chih puaknat in nei chiat le. Diktatna a kilamthakna gah hotdamna pianthakna foundation hong dikdia miten ei apan hiai mi zaw himah e mite lamhilhtu chi a hon mudi hive aw. I lampi totna uah kuhkal tak a palsuak zou din panla in kipethak ni.

Thukhitna: Toupa’n a nungzui ding a a sap lai in mihing man dia a chiam ziak in lampi nuamchiam masa hetlou hi. Kuapeuh hongzui nuam in amah kimangngilh in a Khros kipuak in honzui hen ana chi hi. Khros lampi tawnlou a midangte vualzawlna tuntu kihithei lou ding hi. Enleng midangte’n vualzawlna a tanna dia nuamtak, zalentak leh tawldam tak a sumhat a mi i sawl leh diklou ding ahi. A haksa mah i tot uh Khros mah totngai ahi i chi uhi. Hondampa ding a Jesu i belh lai in i gitlouh puakgik teng a hon lakkhiak sak a i zaang a navak in honkoih a himahleh sawtlou in puakgik dang honpia ahi. Khros polou in gingtu hinkhua paidik theilou ahi. Khris in hondelh giklouh chiang in Khristiante kikhanglou hi. Loupate sing in a delh a i lakkhiak pah kei leh si ding uhi. Khristian kichite Khros in hon delhlouh a i paihmang ziak in i Khristian hinkhua uh half gospel bang a full gospel thei mahmah lou Camp hat a kitoudelh ngai ahih man in Ham kiang kia a ahih hilou a ei adia gen leng ahi (Heb. 6). January kha apat i thupi uh bangchi paipih nasawm a? Mi tamzaw ten ngaisang kei lengle, Khrist mit a entuten taklang khol keile ule tup a a neih uh ka lamen a, tukum 2018 i thupi suliamtu, vualzawlna hih sang a lungkhamsaktu hilou a a kemtu leh a dongtu hichiat ding in Pathian in hon vualzawl chiat hen.

 

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC