General News

Pathian kepna leh venna ziak in Covid-19 hipi leng a dan hong omdeuh ta a, Home department, Manipur Government in leng Covid-19 toh kituak a omding dan a bawlte pilvang leh feltak a zuikawm a mipi omkhawm leh Biakna munte hon phalna October 4, 2021 a orders a suah toh kiton in; saptuam te'n Biakna kikhop leh saptuam vai tuamtuam te pattheih nawnta dia lamet ahi (Vide EOM 576th Sitting, Thupukna 1na, dated October 07, 2021).

Manipur polam a omte'n mahni omna State Government chiat in zuihding dan a bawlte hun paisa mah bang a thumangtak a zuichiat ding a lamet i hi. Khristian gamtat kilawm leh thumanna neikawm a kalsuan ding deihna toh hiai lai hawm ahi. Toupa'n hipi lak apan hon veng in hon ompih hen.

 

DOWNLOAD

I saptuam in 1988 apan kum 32 sung vengveng Government toh pangkhawm a khamtheih saltangte, HIV- AIDS in asukkhak mite kepna nna i sep nung in LRRC Management Committee Meeting 261, Resl. 1na dated September 18, 2020, leh CEC Sitting 294, Thupukna 14 of October 14, 2020, dungzui in April 1, 2021 apan government panpihnate nusia in saptuam in mohpuakna avek in lata hi.

Government guidelines leh program khenkhat saptuam adia hih tuaklou omte khawlsan a Saptuam in Laisiangthou pansan a kikepna leh salam khalam hotdamna tan tung ding lunggulhna ahi. Maban nasepna leh panlakna ding toh kisai in Division, Tualsung Saptuam, Department leh Mimalte pantheihna dingte anuai a bang in i kizasak ngal hi.

LRRC (LAMETNAMUN) NASEPNA LEH PANTHEIH NA DINGTE
Inmates & PLHIVs Sponsor:
1. Immates khat admission fee @Rs. 1,000.00
2. Immate khat kha khat fee @ Rs. 3,000.00
3. Inmate course khat (kha 3) @ Rs. 9,000.00
4. PLHIVs C&S Prog nuai a khatvei Doctor ki-etsakna leh damdawi man ding @Rs. 1,000.00
5. PHIs C&S Prog nuai a te mikhat, khakhat nek-le-tak man ding @ Rs. 800.00

Tulel in hiai program ah HIV-AIDS in a sukkhak innkuan 70 te khateng in panpihna- (i) Antang-10kg (ii) Dal-5kg (iii) Nutrela-1kg (iv) Mangan-1kg (v) Sathau 1 litre ki pe zel a, damlouhna serious deuh panpih ngaite sum-le-pai a panpihna banah damdawi inn tan ah kibuaipih zel hi.

IRRC (LAMETNAMUN) NASEPNA A KIHEL LEH PANPIHNA PE UTTE ADING IN:
Saptuam tungtawn hiam mimal Whatsapp no. 9612033428 thuzak le LRRC staff ten abaitheilam in hon delhzui ding uhi. Sum a pe utte ading in Ac Min : Lamka Rehabilitation and Research Centre No. 30236902269 Branch: SBI Ccpur Branch IFSC: SBIN0006182 ah leng transfer theih ding hi.

Haksa zawte panpih a asaltanna a pan suakta sak ding in Toupa'n a Saptuamte hon tokthou chiat hen.

File

Evangelical Baptist Convention (EBC) in Contract Basis a sem ding Driver khat lak sawm hi. EBC Nasemtu Contract a Goihna Dan dungzui in kumkhat sung ahi masa dia, a nasep a lungtunhuai leh a contract hun behlap zel ahi ding.

I. Driver [Group III/Scale- III]
1. Pay: 10,500/- PM (Fixed)
2. Upat Kum: Kum18-40
3. Siamna: Class - X Passed, valid driving licence neihnung kum 3 chingta.
4. Lak dingdan: Written, Practical leh interview

II. Kingetna a dia poimohte:
1. Khalam pianthakna kichiantak nei (Testimony saulou gelh toh thuah ding)
2. Omdan leh gamtat/thilchin a kikem siangthou, tep-le-muam chinglou, chidamna hoih
nei, taima leh thumang ahi ding.
3. EBC Saptuam a Full Communicant member, EBC Thu-up pom a zui ahi ding (Baptisma
Certificate leh Saptuam recommend na lai thuah ding).
4. Zi neisate sepna mun peuh a nupa a paikhawm theilou dingte kinget a kul kei.
5. Sepna neilel kingentu a omleh a sepnate apan NOC a hon pelut ding.

III. Kinget ding dan: Kingetna, Bio-data [Contact No. telin] kimtak a gelh in atung a kigen lai poimohte photocopy toh thuah in General Secretary ah September 10, 2021 (Friday) nitaklam dak 4:00 PM tan a piaklut ding ahi.

Kingetna pomsak a omte sapna bawl ahi tuan kei ding. Written test leh Practical September 14, 2021, 10:30 AM leh Personal Interview September 15, 2021, 11:00 AM in Dorcas Hall ah om ding hi.

Sd/-Rev. Paukhanmang Guite
General Secretary

DOWNLOAD PDF

Covid-19 (second wave) hipi apan bitna ding leh a hii kithehdalh zel pen kiamsak ding gelna a District Magistrate, Churachandpur’s Orders No. DC(CCP)/Covid-19/Misc/2020, dated May 6, 2021 in Churachandpur District sung May 6, 2021 apan ni 7 sung Containtment Zone a hon puan toh kiton in; EBC Head Office, Dorcas Hall, Division Offices, Lamka North leh South Division te May 13, 2021 tan EOM deihna bang a khak phot ahi. District leh State dang te’n amau omna chiat a Government in zuih ding dan (SOPs) a bawlte a na zuitou zel ding uh.

Hiai hun sung a sep ding kin leh poimoh omte heutute toh kithuzak in SOPs zui a sepkhiak zel ahi ding. Office staff te heutute phalna tellou a zinkhiak/station nutsiat phal ahi kei a, a poimoh hunhun a saptheih ding a mansa a om gige ding ahi.

Hipi ziak a lungsim thawmhau, lungkham mangbang a omte kiang a lungmuanna tuntu, panpih ngaite panpihtu hi ding in Toupa’n A sisan a leisa Saptuamte ompih henla, tua bang hun haksa a mite sang a kal sangzaw (Xtramile) suan a, midangte a dia lametna tuntu leh vualzawlna hi chiat ding in thumna toh pang ni.

Sd/-
Rev. Paukhanmang Guite
General Secretary

Download Circulars

No. EBC/GS/01(01)/21: Covid-19 hileng 2nd wave in India sung nakpi in hon nuailel a, maban ah leng hong uangsem ding a kilang ahihman in, Government in kivenna ding a thusuah a bawlte kitheihmoh bawl vual hilou hi. Tua toh kiton in, mimal leh saptuam chih pilvang a, I omna State chiat ua Government in Covid-19 toh kisai a mipi zuih ding a thusuah a bawlte khauhtak a zuichiat ding in i kitheisak hi (Vide EOM 561st Sitting, Thupukna 1na, dated 20-04-2021).
Covid-19 hileng masa sang a tua pen thuakhak zaw ding a gen ahihman in, i kiven theihna omsun - mask, khutsil, kinaih lua a omlouh ding, mipi omkhawm louh ding leh a dangdang te pilvangtak a mimal leh saptuam te’n zuih ngeingei ding ahi. Hiai hipi apan Toupa’n suahthakna thupi hon piakna ding in nakpi in tawplou in thumzom zel ni.

Sd/- Rev. S. Vung Minthang
Director of Ministries

Sd/-Rev. Paukhanmang Guite
General Secretary

Download

Page 1 of 64

 
© 2021 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia