General News

I Saptuam in Pastor poimohna ziak a October 18 &19 a pastor ding interview a sapna a Candidate mi 23 lak a DPC in Pastor Candidate dia mi 5 a recommendte anuai ate ahi uh:

1. Mr Paukhankhup - Bungmual
2. N Khualmang - New Lamka, Gouchinkhup Veng
3. Khenthang Buansing - V Munhoih, New Lamka
4. Dr G Suankhanhau - GBC/Dorcas Veng, New Lamka
5. G Pauzarual - New Lamka, Zion veng

Amaute Pastor ding a ching, chih hinailou in, etkhiakna hun sung a lungtun
huailouhna bangmah a om keileh 2018 December kumsim khawmpi 70na a
Pastor ordain ding a candidate a om lellel ahi uhi. Pathian phasak leh deih ahi
leh buaina bangmah omlou a a hong paisuak theihna ding un thumpih ni.

-Director of Ministries


Asia-Pacific Baptist Federation Congress 9 veina September 25-29, 2017 sung, Yogyakarta, Indonesia a om ah heutute deihsakna tang in mi 8 ka va hoh uhi. Hiai Khawmpi ah gam tuamtuam 26 apan in palai 1100 kipaikhawm hi. September 25, nitak Khawmpi honna hun ah EBC sik-le-tang in Mary Biakching in EBC Flag tawi in flag-march ah vapai hi.

Hun zatdan tangpi: Zing leh nitak in Biakna kikhop om a, sun hunte in mun 10 ah thupi tuamtuam nei in workshop kinei zel hi. Biakna kikhopte ah Pathian mizat thugentu minthang taktakte’n: Gospel zumpih louh a hangsantak a tawisang ding, Pathian kiang a piak ding bangmah dang i neihlouh lai inleng Khrist thuakna koppih ni. Thohnawnna diktak i muh theihna ding in Khros diktak i muh masak kul hi. Khasiangthou thilhhihtheihna koppih in Pathian nna i sem ding uh, Khovel in Jesu Khrist Tangthupha poimoh lua hi, chihte gen uhi.

Special No: EBC apan in Tuailaite’n mipi biakna ah Quartet leh solo N. Biakmuan in khat hon sa uhi. Luncheon Concert ah Biakmuan leh Donnie in solo tuak sa uhi. I tuailaite milak ah sithuai hetlou ua kipahhuai petmah hi.

General Council Meeting: Sept 27, 2017, 2:00 PM in APBF General Council Meeting om a huai hun ah report leh term thak a vaipaw ding telna om hi. Hiai hun ah Saptuam ai-oh in Rev V Nenglian toh ka vakihel uhi. Term thak 2017 - 2020 sung a APBF vaipaw dia telchingte:
President: Rev Edwin Lam (Singapore), Vice President-te: Ratu Inoke Kubuabola (Fiji), Rev Mark Wilson (Australia), Mr. Bijoy Sangma (India), Treasurer: Peter Leau (Australia), General Secretary: Rev Dr Vee Tetseo (Okinawa – Japan).

Hiai APBF General Council Meeting hun in Outgoing General Secretary, Rev. Bonny Resu khakna kinei a EBC min in Memento leh Puandum kipia hi. Huan General Secretary thak leng puandum kisilhsak in mi poimoh bangzah hiamte Puandum Necktie leh Khi kipia hi. 10th APBF Congress 2022 chiang in Korea Baptist Convention ten zintun ding hi.

Pre-Congress Consultation September 22-25, 2017:
Khawmpi kipatma in Pre Congress Consultation on Aid & Development and Theological Education hun ah Rev. V. Nenglian toh ka vakihel uhi. Hiai hun ah APBF sung a heutute’n policies and program tuamtuam kikupkhawmna hun kinei hi. Hiai hun sung mah in Muslim area a Saptuam khat ah Nipini biakna hun kizang a, Mohammedian University khat ah International Conference on Islam-Christian Humanitarian Theology kineikhawm hi. Amau (Muslim) hiai hun ana zintun in annkuang ana lui uhi. Muslim-ten i mihinpihte tung ah nahoih sepna naktak in pan ana la uh ahih dan report hon bawl ua lung hon khoih mahmah hi.

Thukhitna:
Hiai khawmpi a vatel thei ding a hamphatna honpia Pathian leh i saptuam heutute tung ah kipahna Khawmpi hoh tengteng sik leh tang in ka gen hi. Hichibang a midangte toh sepkhawmna leh biakkhawmna hunte a kihel zelzel poimoh leh manpha mahmah ka sa uhi. Pathian in thupina tang hen.

Report petu –
Rev Ginmalsawm, Director of Social Development


Sln Field Gingthak Baptisma 1/10 pethak MMV pangthak Inn lat Koppih nei
1 Dhemaji 09 09 x x x x
2 Karbi Anglong 07 04 x x x x
3 Manipur 06 02 08 02 x x
4 Nepal 12 05 15 x 03 01
    34 20 23 02 03 01

Mission nasepna toh kisai a Tuipi galkan a i sepkhawmpih, Oversees Missionary Fellowship (OMF), New Horizons Team Meeting poimohtak, Chiang Mai, Thailand ah September 25 – 28, 2017 sung om ding hi. Hiai hun ah EBC apan in Rev V Thangkhangin, Director of Missions leh Rev L Khaikhansong DS Thanlon Division va tel ding uhi.


Convention Book House, New Lamka ah a lei nuamte a ding in Bible leh
Labu muh theih omlai hi.
1. Pathian Laisiangthou Zipper.............................. @ Rs 400/-
2. Pathian Laisiangthou Yaap................................ @ Rs 350/-
3. Parallel Bible (English-Paite)............................. @ Rs 400/-
4. Parallel Bible (English-Paite)............................. @ Rs 200/-
5. Biakna Late (Tonic solfa).................................. @ Rs 250/-
6. Biakna Late leh Pathian Ngaihla gawm.............. @ Rs 300/-


EBC in High School i neihte lak a khat Mission Compound, Jiribam a om, a khopi sung leh Vangai Division sung adia kithei mahmah JMHS khangtou zel leh malam sawnzel in ‘STUDENTS’ DEVOTION HALL’ ding school in a poimoh mahmah, tu in adung ft. 100 avai ft. 28, Rs. 7,00,000/- tungzek seeng in Pathian vualzawlna, ompihna leh saptuamte’n thumna pansan a lamzoh hita in, September 1, 2017, 2017 (Sintawpni) 2:00 PM in latna program zatzoh hita hi.


Page 1 of 46

© 2017 Evangelical Baptist Convention. All Rights Reserved. Designed By EBC