Thumna Makai | KTZ

Thumna Makai | December 2020

1. SEPNAWNNI: Toupan buaina leh haksatna tampi komkal a November kha zangzou a, December kha honpikai man in kipahthu gen ni. December kha manpha leh Khrismas lungsim a neikawm a i zat zoh theihna ding in A vualzawlna ngen in thum ni.

2. NILAINI: December 3 in Upa Ordain dingte, Pre-ordination Orientation neih hi ding. Hiai hun a sinsak dingte leh ateldingte Pathian kha ompihna leh makaihna ngen in thumpih ni.

3. NINGANI: December 4-5 sung EBC Kumsim Khawmpi 72na Gospel Centenary Hall ah neih hiding. Vaihawmna leh kitelnate ah Pathian ompihna leh makaihna ngen in nakpitak in thum ni.

4. SINTAWPNI: Tulai hiipi apan damna ngahte ziak a kipahthu gen in, hon na mualliamsante inkuante Pathian khamuanna ngetsak in thumpih ni.

5. KIGINNI: EBC Kumsim Khawmpi pailel a ding in Toupa ompihna leh makaihna ngen in thum ni.

6. NIPINI: EBC Kumsim Khawmpi lohchingtak a honzousak i biak Pathian kiang ah kipahthu gen in, zingchiang, December 7 a CEC meeting ding thumna ah phawk ni.

7. SEPPATNI: Toupan Khawmpi tungtawn a heutu thak honpiakte ziak in kipahthu gen in, amauten Pathian deihna bang a Saptuam hon makaih theihna ding un thumpih ni.

8. SEPNAWNNI: December 8-13 sung ZPCS Tuibuang in chialpi nei ding a, Evan. T Damkhothang thugenpi in pang ding. Pathian khasiangthou vehna leh pawlna ngen in thumpih ni.

9. NILAINI: Nepal leh Assam a Mission Field thak/station thak etkhiakna kinei lel lel, kumthak a lut a nasep pat ahihtheihna ding in thumna in phawk ni.

10. NINGANI: Natna hiipi lak a alou theilou a kizang, Pastorte leh Upate ziak a kipahthu gen in, amaute Pathian ompihna leh venbitna ngetsak ni.

11. SINTAWPNI: Kumthak ah Indigenization policy in a sukkhak semtute munthak a lutding omding ahihman in, thumna a phawk in, Pathian makaihna ngen ni.

12. KIGINNI: Evan. Pauven te nupa in Pathian hatna muanga anapat uh, Bethel Home Mission in masawnzel, kipahthu genkawm in, maban a Toupa ompihna leh makaihna ngen in thumpih ni.

13. NIPINI: Partnership a mission nna i seppihte, IEM, FMPB, SIM, WEC, OMF, TBCA, leh agency tuamtuam a Tanchinhoih nasemte ziak in kipahthu gen in, Toupa ompihna leh makaihna ngen in thum ni.

14. SEPPATNI: Singtang leh phaizang a louma tungtawn a Pathian vualzawlna i tante ziak in kipahthu gen ni. Kumthak a leng ma thak lathei chiat ding in Toupa ompihna leh makaihna ngen in thum ni.

15. SEPNAWNNI: December 16 in EBCC Kaihlam in Gospel Centenary lawm in, Pathian kiang ah kipahthu genna hun zangding ua, Rev Paukhanmang Guite, General Secretary in thu gen ding, thumna ah phawk ni,

16. NILAINI: Khrismas hun hong nainawnta ahihman in, Mission Fieldte a Jesu Khris tanchin atamlam missionary ten a genkhiak ua, a za nailoute zaksak ahihtheihna ding in Toupa makaihna ngen in thumpih ni.

17. NINGANI: Covid-19 hiipi nuai a i siamsinte leh sinsaktute ziak a kipahthu gen in, abik in kumthak a Class X leh XII board ekzam dingte thumpih ni.

18. SINTAWPNI: Assam a Missions nasepna ding a station thak i neihte, Goalpara, Hojai leh Lumding a semtu ten maban a sepdidan geel in pan lalel uh, Toupa ompihna leh makaihna ngen in thumpih ni.

19. KIGINNI: Singngat division a semtute, Rev N Thawndoulian DS, Office staffte, Pastorte leh school a semtute ziak in kipahthu gen in, maban ah Pathian ompihna leh makaihna ngen in thumpih ni.

20. NIPINI: Covid-19 hiipi hongven a, zalentak a Toupa Gam nna i sep theih nawnna ding in, hiipi tunga thunei i biak Pathian buan in, a zahngaihna ngen in thum ni.

21. SEPPATNI: Gamsung Makai, Nam Makai leh Khotang makai ding Toupan honpiakte ziak in kipahthu gen in, Pathian deihna bang a hon makaihzel theihna ding un thumpih ni.

22. SEPNAWNNI: Tulai in tuailaite lak ah Pathian in pilna leh siamna a piak tungtawn a sepna tuam tuam nei ten a khaloh lakmasakpen uh Pathian Missions nasepna a ding in thohkhethei zel uh, kipahthu gen in, a sepnate ua hong lohchin zelna ding un thumpih ni.

23. NILAINI: Khrismas galdot thei in i omta a, hiaitan honpi i biak Pathian kiang kipahthu gen in, manpha leh gahsuahtak a i zat chiat theihna ding un Toupa pina ngen in thum ni.

24. NINGANI: Khrismas manpha leh lohchingtak a i zat chiat theihna ding in Pathian ompihna leh makaihna ngen in thum ni.

25. SINTAWPNI: Khrismas Ni hon musak i biak Pathian kiang a kipahthu gen in, khovel maikaih a gingtuten tanchinhoih puanzakna nasa sem a i neih theihna ding in thum ni.

26. KIGINNI: Khrismas honzang zousak i biak Pathian kiang a kipahthu gen in, belampute bang a i zak leh theihte hinpih a, Jesu adia theihpihtu muanhuai hichiat ding in Toupa ompihna ngen in thum ni.

27. NIPINI: Kum 2020 a Nipini nanung hon musak i biak Pathian kiang kipahthu gen in, kum 2021 hon pikaina ding in ngen in thum ni.

28. SEPPATNI: Rev L Khaikhansong, DS Lamka South, Office staffte, Pastorte leh school a semtute ziak in kipahthu gen in, maban a lamzangsem a honsepzomna ding un Pathian ompihna leh makaihna ngen in thumpih ni.

29. SEPNAWNNI: Khopi saptuam kemtu Pastorte leh Upate ziak in kipahthu gen in, khalam leh salam chidamna ngen in thumpih ni.

30. NILAINI: I Saptuammi India leh gamdang a sepna nei leh siamsin a omte ziak in kipahthu gen in, amaute a omna mun chiat ua Khris adia theihpihtu muanhuai hong hihzelna ding un thumpih ni.

31. NINGANI: Kum 2020 nitawpni honmusak Jehovah Pathian kiang a kipahthu gen in, tukum sung a hihkhelh leh bawlkhelh i neihte ah A ngaihdamna ngen in thupha tawi ni. Kumthak 2021 chidam a hon muhsakna ding in Toupa huhna ngen in thum ni.

 
© 2021 Evangelical Baptist Convention. All Rights Reserved. Designed & Maintaines by 🔵🔴⚪ EBCMedia